ابنة أحمد راتب تكشف سر عن والدها : “ميعرفوش أن مناخيرك اتكسرت وأثرت على حياتك كلها “

كتبت :هادية رمضان 

عبرت ابنة الفنان أحمد راتب عن فخرها بوالدها عبر حسابها الشخصي على موقع التواصل الإجتماعي “فيس بوك”. 

حيث علقت قائله :”تصدق يا بابا إن لحد دلوقت فيه ناس فاكرة إن شغلك كان سهل، إنه كان هزار ولعب وشهرة بس، مايعرفوش إننا كان ممكن نقعد يومين مانشوفكش من غير ما تكون مسافر لأنك كنت بتصور 18 ساعة متواصلة” . 

وأضافت لمياء أبنة أحمد راتب قائله:”ميعرفوش إنك كنت بتقف على المسرح ودرجة حرارتك 40، مايعروفش إنك كان ممكن تنام ربع ساعة في كرافان في التصوير لحد لما المشهد يجهز، أو تقعد تستنى 3 ساعات عشان يظبطوا إضاءة مشهد هياخد ف تصويره ساعتين وهيظهر على الشاشة 3 دقايق، ميعرفوش إنك كنت بتلبس صوف في أغسطس وبتنزل البحر في يناير”. 

وأنهت حديثها قائله:” أنا فخورة قوي إني بنتك، أنا عمري ما هنسى تعبك وشقاك اللي كبرت عليهم، أنا عمري ما هنسى إنك كنت أحن أب وإنسان في الدنيا.ربنا أنعم عليك إنك تربي بناتك التلاتة وتجوزهم وتشوف ولادهم، وبعت لك حج بيته لحد عندك هدية من شركة السياحة لكل طاقم عمل مسلسل أم كلثوم، لو مكنتش في الجنة بكل اللي فات ده، فا أنت في الجنة بقلبك السليم الطيب.. بحبك قوي وهفضل أدعي لك لحد لما أجيلك”.