(احساس غلط).. شعر عامى بقلم محمود وائل
(احساس غلط)
لماا السُكات بْيلف شارِع حِتتي
واماا القُلوب تغمَض جُفونهاا وتبتدي
لحظِة هِدوء المَنطِقة..
قَلبِك بْيُنبُض بَسمَعُه
بْيلف خانة الذِكريات
يرجع وحيد..
إحساس غبي..
كورتِك تْلِف فْ مَلعَبُه
تِرجع تحِن لمَلعَبي
لفي براحتِك دَوري
على حَد يقدَر يسعِدِك
ويكون شَبيهِك فْ الغَلط
او يبقىَ دُميه مِن الخَشب
وخيوطهاا خاتِم شَبكتِك
يعصُر رجولتُه وتؤمري
تِركع كرامتُه وتخدِمِك
واناا فاعذُريني مِش كده
عَكسِك فْ كُل اللي إنتي فيه
طَبعي مع القسوة إختَلَط
كَوِّن كيان مِش هَتفهميه
فماتسأليش إزاي هَنبعِد
ماهوُ حُبي ليكي ماهمنيش
واناا دوقت كاس حُبِك يا دوب
دَوّخ فْ قلبي ماهزنيش
فاتركيني..
ودعي الإحساس مابيناا
لِسه فاكِر كُل كِلمه
كات بْتخلَق حُب بيناا
فرحِتِك لماا تشوفيني
نظره تِخلق كون بْوصفِك
تأتي جبراً تحتويني
لِسه شايفك بين ملامحي
موت بيسنِد فْ الحياة
ياللي آسره الحُب فياا
وواخده حَق الإنتباه
إتركيني..
غضي بَصرِك عن دموعي اللي فْ عنياا
كات تُرابه وهفِت الروح اللي فياا
بُكره هنسى وبعده هَضحك عْ اللي كُنت بقوله ليكي
بُكره اشوف صورتي فْ إديكي
وانتي مَكسوره بْفُراقناا
بُكره هرجع تاني اعيش
وماتزعليش..
أنا شايف فيكي النور دايماً
جواكي الخير
جواكي الشخص إللى بَحِبُه
كان أوجب رأفه بسُكانِك
أنا أضعف مَن دَق فْ بابِك
واناا أصدق واحد كان فيهُم
ضُميهُم وهتابع مَشهد
مِن فيلم بطولتُه ماتلزمنيش
أناا عارف إنك روح فياا
واناا أصلاً رافض إني أعيش
الفرق بين كُل الكلام
إن إنتي فعلاً مُشكله
وإن إنتي حاله مِن الغُموض
إحساس غَريب مِش مِن هناا
وإن إنتي فوق كُل الخيال
أصفى القُلوب المؤمنة
إحساس بْيبعِد كُل يوم
إحساس بيقتِل حِلمناا
وإن إنتي صح فْ كُل شيء
وإن الغَلط كان مني أنا
الفرق يبدأ مِن هِناا
الفرق إنِك مِش اناا
“إحساس غلط”
“محمود وائل”
