احلي كشري بالدقه مقدم من الشيف المتألقة اسراء فتحي
احلي كشري بالدقه مقدم من الشيف المتألقة اسراء فتحي
اسم الوصفه / كشري بالدقة والصلصة
مقدمه من / إسراء فتحى
مده التحضير /10 دقائق
مده الطهي / 40 دقيقه
المقادير
ارز
شعريه
عدس بجبه
مكرونه مقصوصه
مكرونه اسباجتي
حمص شام
طماطم
الصلصه لدقه الشطه
بصل للتحمير
ثوم وشطه
كسبره ناشفه
كمون ملح وفلفل
خل وليمون
مايه
زيت
(الطريقه)
نحضر حلة نضع فيها الزيت ونضع الشعريه اول ما تبدا تحمر اللون الدهبي نضع الارز وبعدهم العدس بجبه المنقوع من الليل او قبلها بفتره ولو ملحقتيش تنقعيه نعطيه نص سلقه زي ما عملت وبعدهم ننزل بالمكرونه من غير سلق ده اصل في حله وحده وعلي الوش بنزل بالاسباجتي وبشربهم مايه من مكان سلق العدس بجبه وبحط الملح ورشه الفلفل
بالنسبه للصلصه
نضع الزيت والتوم ورشة الكسبره واطشها بخل وانزل بعصير الطماطم واسيبهم يتسبكوا كويس
بالنسبه للشطه
بعملها علي البارد ناخذ من الصلصه المتسبكه ونضع عليها شطه علي البارد علي حسب الرغبه
بالنسبه للدقه
ممكن علي البارد او ساخن
نضع زيت وبعدها توم ورشه كسبره وكمون وملح وطشتها بالخل والليمون وزودتها مايه
بالنسبه لحمص الشام
نقوم بسلقه ونضع ملعقه من الدقه وملعقه من الصلصه وملعقه من هريسة الشطة وكسبره وكمون وملح وفلفل ونقطع عليه بصله
بالنسبه البصل
نقطعه حلقات ورشة دقيق بسيطه ونقوم بتحميره في الزيت ياخد لون ذهبى وبالف هنا
