اختاري حرفتك مع بشري حجازي

اختارى حرفتك

بقلم… بشرى حجازى

اكيد فى بنات وسيدات كثيرات محتاريين ونفسهم يبدأوا مشروع ومش عارفين يختاروا المجال او الحرفه اللى يبدأوا بيها او ايه اللى يناسبهم ويناسب ميولهم وهوياتهم . ولو اتجهنا الى مجال الهاند ميد هنلاقى مجالات كثيرة جدا ممكن الاختيار منها المجال اللى يناسبك مثلا : لو انتى مهتمه بالحلى والاكسسوار فيمكن تعلم كيفية صنعها والابداع فيها لانها من اجمل مجالات الهاند ميد خاصة انك بتصنعى اكسسوارتك بنفسك حسب الوان لبسك وزوقك .
ثانيا مجال الكورشيه والتريكو : بيعتبروا من اهم مجالات الهاند ميد لصناعة الملابس والازياء حسب زوقك والوانك المفضله بالاضافه الى تفصيل الملابس ويمكن ان يكون مشروع مربح جدا .
المطبخ وعالم الطبخ والحلويات : انتشرت فى الاونه الاخيره العديد من جروبات او صفحات الخاصه ببيع الحلويات والاكل البيتى والتى لاقت اقبال كبير جدا .
فن الديكوباج : والفن ده جميل جدا لانه بيعتمد على اعادة تجديد القطع القديمه فى منزلك لانه بيعتمد على قص بعض الصور ولزقها بطريقه معينه فيمكن من خلالها تجديد شنطه قديمه او قطعة اثاث او صينيه او فازه لتظهر بشكل جديد وجميل .
صناعة الجلود : مثل صناعة الشنط والمحافظ والاحزمه والبرتوفيهات ويوجد العديد من الطرق المستخدمه فى صناعة الجلود مثل الحرق على الجلد .
الرسم على القماش او الطباعه عليه : وبيعتبر المجال ده من المحالات اللى ممكن تساعد ايضا فى تجديد ملابسك او مفروشاتك واعطاء شكل جديد ومبهج من خلال استخدام الالوان المبهجه .
الحرق على القماش : وهو فن جديد ويمكن من خلاله عمل العديد من المفروشات او التابلوهات الرائعه بشكل جديد ومختلف .
فن الحفر على الخشب او الحرق على الخشب : ويمكن من خلال هذا الفن صنع قطع من الديكور الرائعه لتزيين المنزل .
وفى النهايه عرضت على حضراتكم معظم فنون الهاند ميد وهناك الكثير منها ويمكن لاى سيده تعلمها بكل سهوله واختيار ما يناسبها ويناسب ميولها من على السوشيال ميديا لمعرفة الخطوات والادوات المطلوبه لتكون بداية لمشروعك واختيار حرفتك المربحه اللى تقدرة تحققى ذاتك وتنجحى فيها ..