اخر 3 مسدسات عن اقذر عبيط

ابراهيم رضوان

علمت من مصدر موثوق منه أن العبيط أعطي جاموسته لعبيط ٱخر مقابل أكثر من جاموسه صغيرة السن..و أن الجاموسه تعيش الٱن في سعاده داخل أكثر من زريبه أخري..علي هذا الأساس لن أكتب عنهما بعد اليوم لأنني تأكدت من الخبر..أنشر اليوم ٱخر 3 مسدسات عن أقذر عبيط قابلته في حياتي و أقذر جاموسه علي وجه الأرض 1. العواجيز

عواجيز..

عبيط مزور..

و جاموسه بقرن زايف الديل قادر يعور ..

أضحوكه لكل شايف يحكي عن ألف حاجه..

حصلتله في المعارك راكب على ألف موجه..

في كل مكان يشارك إزاي بجاموسه عوجه..

هانقدر ليك نبارك السمعه هباب..

تصور ..

يا قاضي العمر خايف

2. إبن الأبالسه

إبن الأبالسه لسه ..

عاشق ديل الجاموسه كان يملك ألف مرسا..

للفشر والدناسه وكأن الشحط قائد..

على 100 مليون كتيبه مع إنه بدون فوائد..

و جاموسته معاه كئيبه مصيبه ريحتها.. زائد..

90 مليون مصيبه وحتى قبل ما انسى..

مداس عاشق مداسه

3. شمس الشموسه

طلعت يا محلا نورها..

شمس الشموسه

ياللا بيننا نصحي ونحلب..

لبن الجاموسه

وعبيطنا اللي احنا دايما..

نديله وسام نحاسي

ما اقدرشي معاها يدن..

ولا يقعد ع الكراسي

يظهر مش غاوي أبدا..

اللحم لو جاموسي

إزاي يخمد سعيرها ..

بعبيط حكايته حوسه

النهايه