ارز المعمر الفلاحي مقدم من عبير حافظ

اسم الوصفه: ارز المعمر الفلاحى
مقدمه من : عبيرحافظ
مده التحضير : 20 دقيقه
مده الطهى : ساعه
المقادبر:
5كوب رز مصرى
..5كوب ونصف حليب
..3معالق كبار سمن يفضل بلدى ..حوالى
4معالق زيت .
.ملح.
.حوالى5معالق وش الحليب اوقشطه ..طاجن فخار مدهون سمن اوصنيه مناسبه.
الطريقه :
هنغسل الرز كويس ..وننقعه نصف ساعه ونصفيه نحطه فى الطاجن نسخن الحليب كويس ونضيفه على الرز..نحط الملح. وبالمعلقه من على الوش تقليبه خفيفه عشان يدوب وزعى السمن والزيت على الوش كله..ووزعى القشطه كمان بعدهم يكون الفرن والع من البدايه وسخن جدا يدخل على نار عاليه فى الاول
لحد ما يعمل الوش البنى ده ويفقع كده..ونهدى النار يشرب براحته ونلف الطاجن كل شويه ..لحد مايستوى بياخد من ساعه الاربع لساعه تقريبا وبرده حسب فرنك والف هنا.
عشان نعمل وش حليب اغلى الحليب من بليل وحطيه فى التلاجه هيعمل وش حلو وخديه على جنب واستعمليه.
وخديها قاعده المعمر لازم نزود نصف كوب حليب زياده عن عيار الرز عشان يبقى طرى وحلو.
رئيس قسم المطبخ
اسماء عزازي
وسمسمة سعد