استايلست داليا حسام تقدم نصيحه لكل ست
#نصيحه_لكل_ست
دخلين على فصل الخريف وبنبتدى نفكر فى اللبس اللى هنشتريه واللى موجود عندنا
هقولك حاجه قبل ما تبتدى تاخدى خطوات
اكيد بتبقى مهتمه تشوفى ايه موضه الموسم الجديد من موديلات وخامات قماش والوان
وده شئ جميل اولا ثقافه ليكى كست لازم تكون ملمه بآى حاجه تخصها كآنثى
ثانيا علشان تبتدى تشوف هى محتاجه اى السيزون ده
دولابك اكيد فى اكتر من قطعه كنتى ناسياهم متلبسوش او ناقصهم حاجه ومكملتش كملى الاطقم الناقصه ديه
الوان السيزون ده :
الموف الباذنجانى _ الزهرى _الاخضر الزيتى او ما يسمى اللون العسكرى_الاحمر _
الاسود والرمادى اساسى فى كل شتاء
الابيض بكل درجاته من الناصع الى الشاحب
واللون الوردى هو لون خريف 2018
علينا احنا كبنات وستات نختار الالوان اللى تناسب لون بشرتنا والجميل فى شتاء 2018 ان الوان الباستيل من ضمن موضه السيزون وده بيخلينه نخلى الاطقم اللى بنكونها يدخل فيها لون فاتح يكسر قتامه الطقم
لان علميا الالوان القاتمه تؤثر بصفه سلبيه على نفسيه المرآه البلوفرات ذات الاكمام الطويله تغطى كف اليد موضه فى سيزون شتاء 2018
بس استنى قبل ما تفكرى تشترى بلوفر
البلوفر من قطع الملابس اللى بتبين امتلاء الجسم جدا
لان طبيعه خامه الخيوط المصنوع منها البلوفر بتكون سميكه
لازم قبل ما تشترى بلوفر تقيسيه وتشوفى انه مش مبين ديفوهات جسمك
ابعدى عن البلوفرات المنقوشه اذا كنتى ممتلئ الجسم يفضل الساده ويكون بطول مناسب بلاش يكون قصير لانه هيبين جنابك وبطنك
الست او البنت النحيفه البلوفر قطعه مميزه ليها مع البنطلون الجينز
مش لازم نشترى الهدوم تقيله لان الشتاء فصل قصير فى مصر لكن الاساسى يكون عندنا بلطو وسويتر تقيل للايام اللى بيكون فيها الجو برد وطبعا لكل واحد فيهم استخدامه بمعنى
السويتر من الملابس السبور يتلبس الصبح وبليل فى المشاوير
البلطو فورمال شويه والحركه بيه بتآيد فبيحتاج خروجات معينه
الجاكت الجلد والجينز من الحاجات العمليه جدا فى دولابنا
الست او البنت الممتلئ ياريت تبعدى عن السويتر المبطن المنفوخ لانه هيديكى ضخامه لشكلك العام
المقلم ×منقط كان موضه صيف 2018 ومكمل فى شتاء 2018
المهم نلبسهم ازاى ومش مهم خالص اذا مش لايقين علينا لان مش كل موضه تناسبنا او تبقى حلوه علينا
السويت شيرت القطن والميلتون مريح جدا مع جبنز وكوتشى لاى مشوار وخصوصا اذا صباحى لانهم اطقم عمليه ومريحه وخصوصا اذا كان السويت شيرت بلون مشرق زى الاخضر _ الازرق_الزهرى_الاحمر_الابيض
ده بيدى اطلاله مبهجه وبيآثر على الحاله النفسيه بتاعتك بتحسى بانطلاقه ورونق
لسه عندنا كلام كتير هنقوله
وتانى كل ما تكونى بسبطه بتكونى اشيك
شياكتك_فى_بسطتك
