اسوار الشك…
اسوار الشك…
بقلم… عزه ابوالسعود العسيري
اسوار الشك هي دايره مغلقه يتحبس بداخلها الشخص الشكاك ويسجن نفسه جواها ولم يستطيع التخلص من سجنه ولا من هواجس أفكاره ولا من شكه في نفسه او حتي شكه المستمر في الآخرين.
للاسف الحياه تصبح أكثر عذاب و جحيم لهؤلاء الأشخاص حياتهم عبارة عن
سور كبير جدا محكم ومغلق الدايرة سجين بين قضبانه و حيطانه وكلبشاته
وكأنه جواه دائرة مغلقه مش عارف يطلع منها خالص
هنتعرف هنا مع بعض
ماهو الشك.؟
وايه الفرق بين الشك والغيرة والحب وفقدان الثقه وكيفية التخلص منه
يقولون احد الفلاسفة أن الشك هو حاله مرضيه حالة سيكولوجية تتميز بوجود بعض الأفكار الغريبة تسمى( بالهواجس) التي لا تفسير لها، والتي تقود الإنسان إلى القيام بأفعال متكررة تسمى بالدوافع، وهذه الأفكار والدوافع تتداخل مع الأنشطة اليوميه التي يقوم بها المصاب مسبيه له الكثير من المشاكل النفسيه ، عواده ما تكون تصرفات المصاب وافعاله خارجة عن إرادته وقصريه ،
كأن يقوم بإغلاق باب الثلاجة لعدة مرات وذلك ظنًا منه على انّه لم يُغلقها جيدًا.
والحقيقة الفرق بين الشك والغيره هي شعره والشىء اللى بيزيد عن حده بيتقلب ضده ،خلينا دايمامتفقين علي هذا الأساس
فنخلي بالنا جدا وناخد بالنا في التعامل مع الحذر الشديد في التعامل
الشخص الشكاك هيخليكي انت نفسك تشك فنفسك وتتعقد جدا من حياتك
ودائما مش هيكون عندك ثقه في نفسك ومعندكش ثقه في اللي حواليك ويبدء شعورك بالنقص كل يوم يزيد وفقدان الثقه بالنفس يزيد أكثر وتتعقد من أي شي وأي موقف.
فكن حريصا جدا في التعامل واختيار الأشخاص في حياتك سواء ارتباط زواج أصحاب أيا كان العلاقه
فنخلي بالنا جدا لنتوه وندخل جواه أسوار الشك مع من نختار. هؤلاء الاشخاص بيبعانوا كثيرا وتعبانبن فاحذر باختيارك او قربك منهم تدخل الدائرة كن حريصا.
ازاي نعرف نفرق بين الغيرة الطبيعية والغيره المرضية لأن بينهم شعره كتير مننا مبياخدش باله منها ويفتكر ان ده حب زياده او اهتمام مثلا.
الغيرة غريزة طبيعية في البشر في أشياء تحدث تحرك الغيرة داخل الشخص تجاه الأخر.
والغيرة نوعان…
غيرة إيجابية. أي طرف يتمناها تكون موجودة بينهم
وغيرة سلبية مرضية. اللي هي الشك مفيش حد بتحملها ولا بتمناها.
الشك أو الغيره المرضية أسوء صفه في الإنسان تبدء بالغيره الزائدة المرضية تتحول لعدم الثقة في النفس ثم تتحول لوسواس قهري وده من أخطر أنواع المرض النفسي و دائما الشكاك بيشك في نفسه واللي حواليه وتبقي حياته جحيم هو والمشكوك فيه
خليك حريص وأبعد عن تلك الأشخاص المصابين بداء الشك هيدمروا حياتك
خصوصا لو في علاقة زواج الحياه تدمر وتنتهي بالطلاق والفشل مثلا زوجك لو من النوع الشكاك تعيشي في عذاب ليل نهار
و هيسجنك بين اسوار الشك وهتعيشي كل حياتك في عذاب كأنك فى محكمه ليل نهار اسئله وشكوك
ومهما عملتي واثبتي ان كلامك صح هيرجع تانى يبتدى الشك من جديد حلقه وهتدوري فيها وهتنتهى بالدمار والطلاق لامفر وبرده مش هيسيبك فى حالك اخلص منه دلوقتى احسن لك وانجى بحياتك حتى لو هتعيشى وحيده طول حياتك هتكونى حره نفسك داء الشك لو صاب الإنسان بيدمر الحياه
نصيحة بسيطة حاول تتخلص منه هو مرض زي أي مرض عاوز صبر ومحاولات
1-حاول أن تعيد الثقة بنفسك مرة أخرى وتقف تواجه نفسك أمام المرأه وتقول انا قادر اتغير وقادر على التحدي وعلي التغير اناشجاع
2-قرب من صديق لك او أي شخص بتحبه ترتاح معاه في الكلام تفضفض بكل اللي جواك من غير خوف او قلق وانت واثق فيه ده يساعد كتير
حتي الأطباء النفسيين دائما بيقولوا الفضفضة مع من تحب وترتاح نصف العلاج
3- خد نفس عميق من الداخل وحاول أن تريح اعصابك وتطرد الطاقة السلبية والأفكار والهواجس وتفكرازاي تسعد نفسك وتبني مستقبلك فكر في احتياجاتك ولا تشغل نفسك بالغير
وأخيرا وقبل كل شي ارمي حمولك علي الله وتوكل عليه وهو المستعان.
