الإذاعية والمطربة الواعدة “بسنت بكر ” تفتح قلبها لـ أسرار المشاهير وتحكي عن ماحققته في 2018 ماتتمناه في 2019
إعداد /دعاء سنبل
إذاعية متميزة قدمت خلال 6 سنوات من عملها بـ نغم إف ٱم العديد من البرامج فبدأت بتغطية الانتخابات الرئاسية لعام ٢٠١٤ ثم قدمت برنامج “أيام ربنا” لموسمين رمضان ٢٠١٤ و ٢٠١٥ ثم قدمت برنامجها الشهير” ع النوتة” لمدة عامين ونصف العام والذى حصل على جائزة الإبداع الذهبية وجائزة أفضل برنامج من مونديال القاهرة للإعلام والأعمال الفنية عام ٢٠١٥ هي الإذاعية “بسنت بكر ” التي قدمت برنامج “صوت م السما “رمضان ٢٠١٧ عن مملكة التلاوة المصرية ثم بدأت آخر برامجها الناس مقامات فى مارس الماضى وذلك بجانب تقديمها نشرات الأخبار ايضا على مدار سنوات عملها بالإذاعة ، لم تكتفي بسنت بالعمل في الإذاعة ،لكنها قامت أيضا بغناء وكتابة وتلحين العديد من تترات البرامج إذاعات راديو النيل ،وإذاعة راديو هيتس و”بره الزحمه ” على اذاعة شعبى .
” بسنت بكر” قامت بتنفيذ وغناء أغنية من أجل مصر الأغنية الرسمية للحمله الرسمية لدعم الرئيس عبد الفتاح السيسى والمشاركة فى تنفيذ نشيد الصاعقه المصريه (“قالوا إيه ” والمشاركه بالغناء أيضا مع أحمد أمين فى فيلم” الكنز”،ومشاركة الفنان على الحجار فى حفلاته بساقية الصاوى.
إيه الحاجة الحلو اللي حصلت لـ”بسنت بكر ” في 2018 وايه الحاجة الوحشة ؟
الحاجة الحلوة اللي حصلت لبسنت في 2018 انا شايفة ان كل اللى يجيبوا ربنا حلو وانا دايماً عندي قناعة أن مفيش حاجة وحشة بتحصل للإنسان بس احنا مش بنكون مدركين ، متيمنة بسورة الكهف “السفينة ،الجدار ،الغلام” أحنا لما بنشوف الحاجة مش كويسة من الظاهر بس دايماً باطنها بيكون حكمة من ربنا سبحانه وتعالى وبيكون دايماً شيلنا الخير وبتقبل أي شئ بالرضا والصبر، وبعد شوية بنلاقي اللي حصلك دايماً بيكون خير ورحمة وان ربنا سبحانه وتعالى فعلاً مش بيعمل حاجة وحشة ويارب يبلغنا كلنا الرضا والثبات .
2018 كان الحلو فيها تدشين برنامج” الناس مقامات “وده كان حلم من أحلامي ، إني أتكلم عن الشخصية المصرية وأغوص فيها بشكل كبير، تاريخياً،جغرفياً، وعبقرية مكانها ، وعبقرية أحداثها، عبقرية مبدعيها في كل المجالات .
وانبسط اوي من اني غنيت مع الفنان “على الحجار” في ساقية الصاوي وده كان حلم من احلام حياتي ،غنيت معاه أغنية “زي الهوا” ويمكن بأذن الله تتكرر قريب لأني بحب الفنان على الحجار جداً.
ومن الحاجات الحلوة اللي حصلتلي بجد اني حضرت منتدى الشباب لأول مرة ،فرحت ببلدي والتنظيم والمشاركة من جميع البلاد والجنسيات وعملت انترفيوهات كثيرة مع جنسيات مختلفة ، انا شايفة انه حدث مهم جداً وأنه يجب أن يكون مرتين في السنة على الأقل سواء في مصر أو خارجها .
المزيد من المشاركات
وكمان سعيدة إني أشرفت على كذا مشروع وشاركت في العرس الانتخابي لعام 2018.
ايه اللي بتتمناه “بسنت بكر “في 2019 على الصعيد الشخصي والاجتماعي ؟
2019 أتمنى أكمل الرسائل الإعلامية اللي أنا متبنيها من اول لما التحقت بالإذاعة وقدمت مجموعة من البرامج منها “ايام ربنا ” وكان بيتكلم عن فكرة تحقيق اليقين في الحياة وأدركت أن لازم اوصل للناس رسالة ان الموسيقى هي أصل كل الأشياء، وإن المقامات الموسيقية خدمت في توصيل المعنى القرآني وده كان من خلال 30 صوت من دولة التلاوة المصرية والحمد لله اتكرمت عليه.
2019 بتمنى السلام يعم على الناس كلها ويعم على الإنسانية ،وأن الناس كلها يكون قلبها على قلب بعض والتراحم والتقدم لبلدي وأن الناس على السوشيال ميديا تتجاوز مسألة السخريات المتهالكة والتريقة والألفاظ الخارجة .
تقولي ايه لمتابعيكِ بمناسبة العام الجديد ؟
أقول لمتابعيني اني اتعلمت من 2018 اني افرق بين الأصدقاء والمعارف وعابري السبيل لأن كان عندي الكل غلاوة واحدة ، واحب اقولهم كل عام وأنتم بخير وسعادة .
