الارز المعمر مقدم من نور زيدان

الارز المعمر

مقدم من نور زيدان
هاتى صنية او طاجن
حطى لحد نصها رز
بعدين اغسليه كويس طبعا بعد ما يتغسل هيزيد حجمه في الصنيه حطى ملح عليه زى ما تحبي بعدين غطيه هو باللبن كامل الدسم مش تملي الصنية علي الآخر
حطى الصنية في الفرن كمليها بالميه لكن سيبي حوالي 2مل عشان لما تغلي متنزلش الحليب
ولعي الفرن في الأول من تحت عالي ومن فوق هادئ أول ما تحسي أن الصنيه هتبدأ تعمل وش علي النار من فوق سيبيه يكمل سوى لحد لما ينشف منه الحليب خالص…..
طلعيه من الفرن وهاتى سكينه ومشيها بين حافيه الصنية والأرز عشان ياخد راحته وخرميه كمان ….
بعد كدة حاولي تطلعى من كل جنب فيها رزاية تشوفيها. كلها مستوية زى بعضها ولا محتاج مية ولا أيه المكان اللي تلاقيه مش مستوى حطى شوية مية فوقه وطبعا هتنزل المية من مكان فتحات السكينه وعشان تعرفي قعر الصنية مستوى ولا لأ
وانتى بتدخلي بالكسينة لو عملت صوت بترن كدة تبقي محتاجة كمان شوية سوى من تحت وعلي الأساس ده هتخلي كمان قد آيه تانى حطى بقا السمنة او الزبدة بتاعتك والمية في المكان الناشف ومفيش مانع لو كويس رشة كدة بسيطة فوقه عشان يقبقب ويزيد عشان كدة عزلناه من حوافيه بالسكينة…..
غطيه بقا بأي غطا في حجم الصنيه عشان وشه ميتحرقش
ودخليه مثلا كدة ربع ساعة علي نار هادية يتشرب سمنته وميته او علي حسب سواه هو ناقص قد أيه وبالهنا والشفا