الارز بالخلطه مقدمه من شيف سحر شعراوي

كتبت سمسمه سعد

مده التخضير 20 دقيقه
مده الطهي 35 دقيفه
المكونات

رز مغسول كويس
كبدة
بصل-فصين ثوم مكسرات
سمن-ماء ساخن لسقي الارز او شوربة سخنة
قرفة-ملح-فلفل اسمر-جوزة الطيب-ورق لورا-حبهان
3 ملاعق سكر
اولا نجيب طاسة سخنة ونشوح الكبدة مع البصل والثوم والفلفل الاخضر وملح وشوية توابل لحد ما الكبدة تستوي وبعدين نحط المكسرات ونحمرها شوية مع الكبدة ونسيبهم علي جنب
وفي حلة تانية نحط السكر ونكرمله علي النار لحد مايبقي باللون ده ونخلي بالنا انه مايتحرقش عشان بيمرر طعم الاكل وبعدين نضيف الشوربة او الماء
وفي حلة اخري نحمر الرز مع حتة سمن وبصل مبشور وشوية فلفل اسمر ونشوح عشان يبقي مفلفل ونضيف عليه نصف الكبدة بالمكسرات
وبعدين نضيف الرز والسكر المكرمل والشوربة علي بعض ونضيف جميع البهارات والقرفة ونظبط الملح ونسيبهم علي النار ولما الشوربة تغلي نهدي النار ونسيب الرز يكمل سواه ع البخار
وده شكل الرز بعد ما استوي ونخلي بالنا نظبط الميا عشان يطلع مفلفل
وبألف هنا

رئيس قسم المطبخ أ سمسمه سعد/ أ اسماء عزازي