الارز بالبطاطس مع دبابيس الدجاج المشويه مقدمة من الشيف سماح عطية

•  كتبت سمسمه سعد
  مدة التحضير ٣٠ دقيقة
  مدة الطهي ٤٠دقيقة

المكونات
نصف كيلو الارز
ربع كيلو بطاطس
٣ معالق صلصة كبار
٢ بصلة متوسطة
ملح فلفل اسود كمون كاري روز ماري

بهارات فراخ نصف معلقة من كل حاجة ورشة قرفة

الطريقة

في اناء علي النار فيها معلقة سمن علي معلقتين زيت ذرة ننزل بالبصل لحد ماياخد لون ذهبي فاتح ننزل بالبطاطس والتوابل ونقلب واخر حاجة لتر ماء والصلصة لحد ماالبطاطس تستوي تلت تربع سوا ننزل بالرز المغسول والمنقوع نص ساعة ومتصفي كويس نضبط المية بحيث تكون فوق الرز واول مايغلي نهدي النار ربع ساعة وبالف هنا علي قلوبكم
اما بالنسبة للدبابيس الدجاج المشوي عندي كيلو مغسولة ومنقوعة في مية وملح ولمون نص ساعة بعد كدة بنصفيها ونتبلها في ٢ معلقة زبادي ربع كوب ماء بصل معلقة دبس رمان معلقة صوص البربكيو ولو مش متوفر مفيش مشكلة ملح فلفل اسود ورشة من بهارات الفراخ وعصير لمونة ومعلقة زيت يفضل انة يكون زيت زيتون ونقلبةالمكونات مع بعض ونغطيها وندخلها التلاجة ليلة كاملة ونشويها علي الفحم او في الكيس الحراري او باي طريقة تفضليها وبالف هنا

رئيس قسم المطبخ أ سمسمه سعد

وأ بطوط احمد