الاكلير مع الشيف المتميزه شوشو عرابى

اسم الوصفة / الأكلير
مقدمة من / شوشو عرابى
مدة التحضير / ٢٠ دقيقة
مدة الطهى / ٣٠ دقيقة
الطريقة / كوب ماء + 1/2 كوب زبدة على النار اول مايغلوا هننزل بكوب دقيق ورشة ملح ومعلقة سكر وم ص بيكم بودر ونقلب لحد مايتكون عندنا عجينة نفردها ونسيبها تبرد وفى العجان هنحط العجين ونضيف 4 بيضات هننزل بيهم بيضة بيضة وفانيلا ونضرب كويس ونحط الخليط فى كيس حلوانى ونشكله فى صنية مبطنة بورقة زبدة وتدخل فرن 180 درجة لمدة 25 دقيقة وتخرج نسيبها تبرد ونحضر الحشو
الباسترى كريم ( 4 صفار بيض + 1/2 كوب سكر + 1/4 كوب نشا + فانيليا ) هنخلطهم كويس ونحط على النار كوب ونص لبن اول مايسخن ننزله على خليط البيض شوية شوية مش كله ونقلب لحد مايتجانس الخليط نحطه على النار ونقلب لحد مايتقل نضيفله معلقة زبدة ونقلب ونشيله نسيبه يبرد خالص ونحشى بيه ولو عايزين الباسترى كريم شيكولا هنضيف 2 معلقة نسكويك كمان للخليط ونزينه بالشيكولا وبالهنا والشفا