الالتهاب السحائي وطرق الوقايه منه
الالتهاب السحائي وطرق الوقايه منه
كتبت… نسرين يسري
قلق وحيرة في كل البيوت المصريه بسبب انتشار الحديث عن ” الالتهاب السحائي” وخطوره المرض، في المقال السابق اتكلمنا عن اعراض الالتهاب السحائي وطرق العدوي والنهارده حيكون معايا الدكتوره انجي عفيفي اخصائي طب الأطفال مستشفيات جامعة الإسكندرية حنتعرف مع الدكتوره بالتفصيل عن الالتهاب السحائي وطرق العدوى والأعراض وعلاجه
دكتوره في بدايه الحديث عايزين نعرف ايه هو الالتهاب السحائي…
ححاول ابسط الموضوع خالص
هو التهاب اغشية المحيطه للمخ نتيجه لميكروب سواء فيروس او بكتيريا
وأعراضه…
ارتفاع شديد في درجه حرارة غير مستجيبة لكمادات او ادوية حوافض للحرارة و صعوبة في تحريك الرقبة و بعد الاحيان حبوب منتشرة في الجسم او عدم اتزان في الحركه و تقوس شديد في الظهر
هل في علامات تدل على المرض…
الاساسي ان الحرارة مستجبش لاي خافض حرارة ومفيش كحة او رشح او اسهال او سبب واضح للسخونية
ايه هي الاسعافات الأولية…
خافض حرارة حتى لو مفيش استجابة و التوجه مباشرة للطواريء واللي بياكد فقط تحليل بزل من الضهر
هل في حالات…
بالطبع فيه بس المعدل الطبيعي زي ما طول عمره موجود
هل معدي…
نعم عشان كده بيتم العلاج في الحميات
خطورة المرض…
زي اي مرض ممكن يحصل مضاعفات بس طالما تم عمل التحليل و بدء العلاج بالمضاد الحيوي المناسب يتم الشفاء الكامل دون اي مشاكل
هل التطعيم مناسب…
التطعيم دلوقتي في انواع من اول شهرين بس التطعيم بيكون ضد نوع واحد بكتيري بيسبب المرض
وفي كمان تطعيم المكورات الرؤية و ده بيسبب التهاب رؤي و قد يسبب ايضا التهاب سحائي
لكن هناك فيروسات متنوعه قد تسبب المرض وليس لها تطعيم
هل يوجد فيروس اخر يصل للمخ…
الفيروس المسبب للوفاة الحالة التي تم نشر الذعر بسببها كان فيروس اخر غير مسبب لالتهاب السحائي ونتيجه البزل كانت سالبه مما ينفي وجود التهاب سحائي
كيفيه الوقاية العامة…
كأي مرض معدي عدم مشاركة ادوات الطعام الشخصية للاطفال كزجاجة المياه والتهوية المناسبة في الفصول و الراحة التامه عند ظهور سخونية والكشف للتاكد من السبب من اجل راحة الحالة نفسها مهما كان السبب و لعدم نشر اي عدوى ولو طفيفة
رساله حضرتك توجيها لكل اسره للاطمئنان على صحه أولادهم…
الرسالة اللي بحب اوجهها ياريت محدش يقلق من اي حاجة و مناخدش معلومات غير من مواقع موثوق منها و ناخد اجراءات الوقاية الازمة دون انتظار حدوث عدوى
التطعيمات الاضافية مهمة لاي مرض و الوقاية دائما خير من العلاج
ونتاكد ان لو في وباء منظمة الصحة العالمية بنفسها بتدخل و التطعيمات بتكون مجانية و في رقابة دائما مشددة على المستشفيات الحكومية بالذات في الامراض المعدية لحصر الحالات و الحد من انتشار اي عدوى بطرق الوقاية السليمة…
بشكر الدكتوره انجي عفيفي على الحوار الصحفي.
