الاناقه والشياكه مش لبس وشكل الاناقه والشياكه اسلوب كلام وطريقه تعامل …
الاناقه والشياكه مش لبس وشكل
الاناقه والشياكه اسلوب كلام وطريقه تعامل …
المزيد من المشاركات
خليك ديما أنيق بابتسامتك..بطريقه صباحك…بأسلوب سلامك وكلامك
خليك ديما أنيق فى زعلك بلاش عتاب سخيف خليه ديما خفيف عشان تبقى خفيف على القلب
خليك ديما عذب الكلام قول شكرا من قلبك لحد قدملك خدمه حتى لو بسيطه شكرا دى معناها كبير عند إللى قدامك
خليك مجامل دا مش نفاق دا جبر خواطر ما تكسرش بخاطر حد اخد رأيك فى لبسه او اكل عمله وعزم عليك فرح القلوب عشان ربنا يفرح قلبك .
خليك أنيق فى زعلك لو جالك متأسف أقبل اسفه وبلاش نجلد بعض كلنا بنغلط وربنا بيسامح فمن باب أولى اننا نسامح بعض
خليك أنيق وقت الخلاف لو قطعت علاقتك بحد أوعى تجيب سيرته بحاجه وحشه وأفتكر انه كان بينكم فى يوم عيش وملح مهما كان سبب الخلاف احفظه واسكت .
خليك ديما أنيق عشان تترك ذكرى وبصمه 😊..دا كل إللى بيتبقى مننا بعد ما بنرحل …
#وسام_الهندى
التعليقات مغلقة.