البادي أظلم.. بقلم/ ابراهيم عزت ابو غرام.

البادي اظلم
حقك عليا يادنيا
بقولها بعلو الصوت
غلطت فيكِ يادنيا
سامحيني قبل ما موت
مصعبتش عليكِ ولا
العيب ده برضو فيا
عملت كتير معايا
وكله جرح ليا بجد
حرام عليكِ
جرحك معلم فيا
البادي اظلم يا دنيا
وحقي مش هنساه
واللي علم عليا
هنسى ضميري معاه
لحد ما ييجي عندي
وتاني يقول لله
انا عمري ما اشتكيكِ
ولا ابيعك واشتريكِ
ولا اقول العيب عليكِ
وانا ابقي فيكِ ايه؟
مخلوق ضعيف من التراب
اسمه البشر
حبة صداع يموتوا
مهو مش حجر
واللي اتعمل معايا
والله لو جبل
كان انفجر
انا عمري ما اشتكيكِ
ولا ابيعك واشتريكِ
ولا أقول العيب عليكِ
وانا ابقى فيكِ ايه