البرازق السورى
مقدمه من شيف نشوي
المقادير
500 جرام دقيق مايعادل 4 كوب
250 جرام سمنه مايعادل 1وربع كوب
200 جرام سكر مايعادل كوب
100 جرام مايه مايعادل نص كوب الا معلقة
معلقة كبيرة عسل تقيل
نص معلقة صغيرة بيكنج باودر
رشه ملح
التزيين
ربع كيلو سمسم متحمص
سودانى او فسدق أو بندق
معلقة كبيرة عسل تقيل
معلقة كبيرة سكر
▪️بنحط البيكنج بودر والملح على الدقيق ونقلب
▪️بنزل بالسمنه على الدقيق ونبس كويس جدا زى الكحك لحد ما الدقيق يشرب المايه الدهنيه وتكون عجينه
▪️ناخد العجين ونحطه فى الفريزر 15 دقيقة
▪️نجهز المواد السايله نحط المايه والسكر والعسل على بعض ونقلب كويس لحد ما السكر يدوب
▪️نطلع العجين من الفريزر وبعد كدة ننزل بالمايه بالسكر عليه ونقلب لحد مايشرب السوايل بتكون عجينه سايله
▪️بعد كدة يدخل الفريزر تانى لمدة 20 دقيقة
▪️نجهز التزيين نحط السمسم والسكر والعسل ونقلب مع بعض ونجهز السودانى
▪️نطلع العجين من الفريزر ونقطع كور صغيره حجم الكورة 15 جرام
▪️بعد كدة نحط الكورة فى السودانى وبعد كدة نفردها فى السمسم ونشيلها بطرف المعلقة
▪️نرص فى الصاج يدخل فرن مسبق التسخين على درجة حرارة 180 لمدة 20 دقيقة
▪️يطلع من الفرن نحرك البرازق من على الصاج ونتركه حتى يبرد
والف هنا
تحتوي 3 ملاعق من بذور السمسم (تزن 30 غراماً) على 5 غرامات من البروتين الضروريّ للمحافظة على صحة الجسم، حيث إنَّه يساعد على بناء جميع خلايا الجسم كخلايا العضلات، والهرمونات، ولزيادة توافر بروتين السمسم إلى الحد الأقصى يُنصح باختيار بذور السمسم المحمصة والمقشورة، حيث إنَّ عمليات التقشير والتحميص تقلّل كمية الأوكسالات والفيتات، وهي مركبات تعيق هضم وامتصاص البروتين. ومن الجدير بالذكر أنَّ محتوى بذور السمسم من الحمض الأمينيّ اللايسين منخفض، ويُعدّ اللايسين أحد الأحماض الأمينيّة الأساسيّة (التي لا يستطيع جسم الإنسان تصنيعها وحده ويحتاج لاستهلاكها من الغذاء)، وهو يتوفر بكثرة في المنتجات الحيوانية، ومع ذلك يمكن للنباتيين تعويضه عن طريق استهلاك البروتينات النباتية المرتفعة باللايسين، خاصة البقوليات؛ كالفاصولياء، والحمص، ومن ناحية أخرى تحتوي بذور السمسم على مستويات عالية من الأحماض الأمينيّة الأساسية؛ المثيونين والسيستين ، وهما نوعان من الأحماض الأمينية غير متوفران في البقوليات بكميات كبيرة.
رئيس قسم المطبخ أ سمسمه سعد