البربرين… الكنز الأخضر الذى يدعم صحتك من الجذور

البربرين… الكنز الأخضر الذى يدعم صحتك من الجذور

بقلم:رؤى مصطفى

وسط زحمة الأعشاب والمكملات، بيظهر البربرين كنجم جديد بيسرق الأضواء، بدراسات علمية بتأكد فوائده المبهرة للجسم… من السكر للكبد، ومن القلب للمناعة.

عزيزتى، لو كنت معتقده إن المكملات دى رفاهية أو “موضة”، أحب أقولك إن البربرين مش كده خالص. ده مادة طبيعية موجودة فى نباتات زى البرباريس، الكركم الهندى، وشجر الفيلوديندرون، واللى العلم بدأ يسلط عليها الضوء بقوة.

بديل لأدوية السكر

أول حاجه لازم تعرفيها إن البربرين بيساعد على تنظيم مستوى السكر فى الدم. الدراسات أثبتت إنه بيشتغل كبديل للأوزمبك والمونجارو وأدوية السكر الشائعة زى الميتفورمين، لكن بآلية طبيعية، بيساعد الخلايا تستجيب للأنسولين بشكل أحسن، وبدوب آثار جانبيه، وده بيقلل مقاومة الأنسولين اللى هى أساس مشكلة السكر من النوع التانى.
أما عن الكبد، فالبربرين بيشتغل كمضاد التهاب ومضاد أكسدة، وده بيخلى خلايا الكبد تتجدد بسرعة ويحارب الدهون المتراكمة عليها. يعنى لو فيه بدايات “دهون كبد”، ممكن يكون البربرين سلاح قوى فى خطة العلاج .

بالنسبة للقلب، الدراسات بتقول إنه بيخفض الكوليسترول الضار LDL ويرفع النافع منه HDL، وكمان بيقلل الدهون الثلاثية، وده معناه حماية الشرايين من التصلب والنوبات القلبية.
أما تأثيره على الجهاز المناعى، البربرين بيحفز نشاط الخلايا المناعية وبيحارب البكتيريا والفيروسات، وكمان بيقلل من نشاط الجذور الحرة اللى بتسرّع الشيخوخة وتضعف المناعة.
فيه كمان فائده مهمة للبربرين فى دعم صحة الأمعاء، لأنه بيوازن البكتيريا النافعة ويقلل الالتهابات المعوية، وده معناه جهاز هضمى أهدى وبشرة أحلى لأن الجلد مرآة الأمعاء.

تفتيت الدهون وفوائد أخرى

ومن فوائد البربرين أيضا تقوية النواقل والمستقبلات العصبيه بشكل كبير جدا.
ومن الفوائد الهائلة للبربرين قدرته على تفتيت الدهون الحشوية العنيده خاصة دهون الكرش والأرداف.

أما مرضى الأورام، والسرطانات فأحب أبشركم إن البربرين بيقضى على الإلتهابات وتأكسد الخلايا إللى بيتسبب فى ظهور الأورام ، والمفاجأه إنه بيقدر يدمر الخلايا إللى تكونت بالفعل.
لكن خدى بالك، البربرين مش مناسب للحامل أو المرضع أو اللى بتاخد أدوية معينة زى أدوية الضغط أو السيولة لأنه ممكن يتفاعل معاها. ودايمًا لازم تبدأى بجرعة قليلة وتتأكدى من المصدر الموثوق فيه للمكمل.
المصادر الطبيعية للبربرين مش متوفرة بكثرة فى الأكل اليومى، علشان كده المكملات هى الطريقة الأسهل والآمنة للحصول عليه، لكن لازم يكون تحت إشراف مختص.

الخلاصة… العلم بيأكد إن البربرين يستحق مكان فى رف المكملات الموثوقة، لكن مثل أى دواء، لازم يتاخد بالجرعة الصح وتحت إشراف متخصص.

كاتبة المقال

أ / رؤى مصطفى