البسكوت بالزبده بالفانيليا والكاكاومقدم من شيف عبير سيد

البسكوت بالزبده بالفانيليا والكاكاو

مده التحضير : 30 دقيقه
مده التسويه : 20 دقيقه

اسم الشيف: عبير سيد

المقادير :

500 جرام دقيق
250 جرام زبده
50 جرام سمنه
200جرام سكر بودره
3بيضات
معلقه صغيره فانيليا
نصف معلقه صغيره بكنج بودر
2معلقه كبيره كاكاو خام اسبانى
الطريقه
نحضر طبق وننزل بالزبده والسمنه والسكر البودره ونضربهم مع بعض كويس جدا بالمضرب الكهربائي لحد الزبده ما يبقى لونها ابيض بعد كده ننزل بالبيض والفانيليا ونضربهم مع بعض كويس لمده دقيقتين نقسم الخليط نصفين بالتساوى

ننخل الدقيق مع البكنج بودر ونقسمه نصفين بالتساوى يعنى 250 جرام فى كل طبق نضيف جزء من الخليط على الدقيق اللى بالفانيليا ونقلبهم مع بعض كويس لحد ما العجينه تبطل تلزق فى ايدك ولو احتجنا دقيق نزود شويه بشوبه صغرين

اما اللى بالكاكاو هناخد معلقه كبيره من الدقيق ونضيف مكانها معلقتين كبار كاكاو خام اسبانى ونقلبهم مع بعض لحد ما العجينه تبطل تلزق فى ايدك ولو العجينه لسه بلزق فى ايدك ضيفى كاكاو
بعد كده نبتدى نشكله وندخله الفرن ساخن مسبقا فى الرف الوسطانى على نار اقل من الوسط والشوايه اقل من الوسط واول ما يوصل للون الذهبى الفاتح نخرجه من الفرن

لوهتعمليه بالكيس يبقى اشتغلى بيه على طول

لو هتعمليه بالمكنه يبقى تحطيه فى الثلاجه لمده 15 دقيقه وتاخدى منه وترجعيه تانى التلاجه

لوعايزه تعمليه بالبرتقال ضيفى على الجزء اللى بالفانيليا معلقه صغيره اسانس برتقال

والف هنا

فوائد الكاكاو

يحتوي على نسبة عالية من المركبات المضادة للأكسدة، والتي تُساهم في الحد من نشاط الجذور الحرة. يُعزز من تدفّق الدم إلى الدماغ، ممّا يُحسّن من وظائفه كالتذكر والتعلم. يُقلل من مستوى الكولسترول في الدم. يُقلل من مستوى سكر الجلوكوز في الدم من خلال تحسين معدلات التمثيل الغذائي، وتحفيز الخلايا على الاستجابة لهرمون الإنسولين. يُساهم في زيادة سعة الشعب الهوائية، ممّا يُساهم في تحسين عملية التنفس. يُسرع من عملية الِتئام الجروح. يُعزز من صحة عضلة القلب. يُساهم في تحسين الحالة النفسية والمزاجية لدى الفرد، والتخفيف من حالات الإجهاد والتعب. يُحافظ على صحة الجلد، ويزيد من ترطيبه وتغذيته. يُساهم في التخفيف من حِدة حالات بعض أمراض التنكسية العصبيّة كألزهايمر.

رئيس قسم المطبخ أ سمسمه سعد

تابع ايضاالمعمول الفلسطين مقدم من شيف رانيا على