البطاطس البانية مقدمة من الشيف نيفين عبد العزيز
كتبت نهي مرسي حمامة
المقادير
بطاطس مسلوقة ومهروسة
توابل /ملح وكزبرة ناشفة وتوم بودر وشطة
لخلطة التحمير
بيض
ملح وشطة او فلفل اسمر
بقسماط ناعم وكورن فليكس للتحمير
رشة كزبرة ناشفة وتوم بودر وبابريكا وملح وشطة
الطريقة
بعد هرس البطاطس نشكلها اقراص وممكن نحشيها جبنة مبشورة او جبنة مثلثات
بعد التشكيل نضعها بالتلاجة نصف ساعة ثم نحضر طبق به بيض وعليه رشة ملح وشطة او فلفل اسمر ونخفقه جيدا وطبق به البقسماط والكورن فليكس ورشة كزبرة ناشفة وتوم بودر وبابريكا وملح وشطة ونمزجهم جيدا ثم نحضر البطاطس ونضع واحدة بالبيض ثم البقسماط ونكمل بتقى البطاطس ثم نضعها بالتلاجة نصف ساعة ونشغل الفرن من تحت على درجة عالية ونحضر صنية وتدهن زيت ونرص دوائر البطاطس وتدهن من الوجه زيت ونضعها بمنتصف الفرن وتترك تحمر بسيط من تحت وبعدين نطفى الفرن ونشعل الشواية تاخد لون بسيط ثم نطفى الفرن ونحمرها بزيت غزير وسخن وكده مش هتفك مننا لانى حمرتها بسيط بالفرن وممكن للى مش بيحب تحمير البطاطس بالزيت يترك البطاطس بالفرن تتحمر ولا تحمرها بالزيت
