البفتيك مقدم من الشيف المتميزه ندا العسال

🍖 البفتيك 🍖
مقدمة من الشيف ندى العسال

مدة التحضير : ساعة
مدة الطهى : 10 دقائق

المقادير :-
بفتيك ( شرايح ستيك رفيعة من وش الفخدة من عند الجزار )

للتبيلة:
ماية بصل . ملعقتين كبار خل . عصير نص ليمونة . ملح . فلفل اسود . رشة جوزة الطيب . رشة قرفة . ملعقة مستردة وممكن تشيليها خالص

للغلاف الخارجى :
بيضة مع نصف كوب لبن وملح وفلفل
بقسماط مطحون مخلوط بالدقيق
زيت غزير للقلى

الطريقة :-
▪هنجيب شرايح اللحمة نشطفها بسيط تحت الماية ونصفيها تماما .
▪هنحط شرايح اللحمة بين كيسين نايلون وندقهم بحيث تكبر وتبقى رفيعة .
▪هنتبل شرايح اللحمة فى بولة بماية البصل والخل والليمون والملح والفلفل وجوزة الطيب والقرفة والمستردة
▪ هندخل البفتيك التلاجة وهو فى التتبيلة لمدة ساعة عالاقل ولو اكثر يبقى افضل
▪هنطلع البفتيك نحطه فى خليط البيض باللبن وبعدين فى البقسماط المخلوط بالدقيق ونضغطه كويس بالبقسماط عشان يمسك عليها .
▪ هندخله الثلاجة مرة تانية ودة مهم جدا جدا عشان يتشمع والغلاف يمسك عليه وميفكش فى الزيت حوالى نصف ساعة .
▪ نطلعه نقليه فى زيت غزير سخن جدا واول ما يتماسك فى الزيت نهدى النار عليه ونخليها متوسطة عشان يستوى من جوة ويفضل مقرمش من برة ونقلبه عالناحيتين لحد ما ياخد لون دهبى غامق حلو .وهنلاقيه اتنفخ وبقى زى الفل
▪هنصفيه على مناديل مطبخ من الزيت ونقدمه بالهنا

تحياتى ،،،