البقسماط المتبل مقدم من مريم ابو العلا

البقسماط المتبل( توفير )
مقدم من مريم أبو العلا
المقادير
قلب العيش الفينو او التوست
بصل بودر
ثوم بودر
ملح
فلفل اسمر
بابريكا
كركم
زعتر مطحون
كزبرة ناشفه
الطريقة
هاتي العيش بس نقي الابيض زي قلب التوست او الفينو عشان يتحمل الزيت لو بتقلي حاجه ما يتحرق بسرعه
رصيه في صنيه دخليه تحت الشوايه الفرن بس خدي بالك بيحمر بسرعه خرجيه وقلبي كل فتره لحد ما تلقي كل قطعه اتحمرت
( لو هتعمليه من توست دخليه الفرن يتحمر وهو سليم عشان هيكون اسهل في التحمير )
طلعيه يبرد افرميه بايدك وبعدين افرميه بالكبه
التكه المهمه عشان تحافظي عليه فتره طويله وما يبوظ منك بعد ما تفرميه حطيه في حله علي البوتاجاز بس تكون ناشفه بدون اي دهون وشوحيه دقيقتين سبيه يبرد ضع عليه تتبيله من بصل( ملعقه صغيره من بودر توم بودر ملح وفلفل اسود كركم بابريكا زعتر مطحون كزبره ناشفه ) واحفظيه في اي برطمان وفقليه جيدا
رئيس قسم المطبخ أ / جيهان جعفر