البيتزا الايطالي مقدمة من مطبخ دعاء عبد ربه

كتب اسماء عزازي
مدة التحضير 20 دقيقة
مدة التخمير والخبز ساعة ونصف
المقادير
كيلو ونصف وممكن زيادة
1 لتر ماء
40جرام ملح ناعم
10 جرام سكر
8 جرام خميره قالب مش فوريه لو في الصيف أما بالشتا 16 جرام
4 ملى زيت زيتون لو مفيش حطى زيت عادى
الطريقة
يوضع لتر الماء فى طبق بلاستيك وضيفى عليه 40 جرام ملح و10 جرام سكر و8جرام خميره و4ملى زيت
يقلب باليد حتى يذوب الملح وكله ببعضه وبعدين ضيفى الدقيق كيلو ونصف وممكن اكتر لحد 2كيلو إلا ربع لحد ما تعملى العجين
بعد كدا طلعى العجينه من الطبق وحطيها على رخامه وغطيها بكيس بلاستيك أو قماشه مبلوله ميه ساعه لغاية ما تخمر
وبعدين اعملها كور مقفوله كويس من تحت وتكون الكوره من 200ل220جرام وبعدين غطيها وحطيها بالتلاجه هتكون جاهزه
ولما تحبي تشتغلى بيها طلعيها من التلاجه قبلها بساعه علشان تخمر شويه وترتاح قبل متعمليها وتفرديها وعلشان متطلعش ناشفه بعد كدا افرديها وضعى عليها الطماطم والموتزرايلا واى حاجه تحبيها وعالفرن فورا على درجه حراره 280 وبعد 4 دقايق أو 5 طلعيها بالهنا والشفا
رئيس قسم المطبخ أ / جيهان جعفر