التأخر اللغوي الأسباب
التأخر اللغوى عند الأطفال موضوع طرح نفسه بقوة في الأوانة الأخيرة
ماهو التأخر اللغوى ؟؟
هو عدم تطور قدرات الطفل اللغويه بما يتناسب مع الجدول الزمنى التطورى لنمو اللغه ،،
وتأخر اللغه غير تأخر الكلام لان بيكون بسبب تاخر الكلام وجود مشكله ف مركز الحركه التى تعمل اثناء الكلام
ولكن من اهم (أسباب التأخر اللغوى ) كالآتى
(١-وجود مشكله ف الجهاز السمعى )
يعنى طفل بيعانى من ضعف السمع او عنده التهابات ف الادن الوسطى او ثقب فى طبله الأذن او زياده الشمع داخل القناه السمعيه كل دا بيأثر ع سمع الطفل
(٢- وجود مشاكل ف الجهاز العصبى المركزى )
اطفال الشلل الدماغى والاعاقه الذهنيه وغيرهم
( ٣-وجود مشاكل ف سلامه الصحه النفسيه) —
الذكاء اقل من الطبيعى
ودا بنتعرف عليه من خلال اختبار الذكاء اللى بيتعمل للطفل
او طفل لديه اى نوع من اضطرابات النمو الارتقائى الشامله
او اطفال المتلازمات واحيانا الصرع
(غياب البيئه المحفزه للطفل)
إهمال الأهل وعدم الوعى الكافى في تربيه الطفل
نلاقيها مبتتكلمش معاه مبتعرفوش أى حاجه وحطاه أدام التلفزيون عشان ميعيطش كتير ويتعبها الطفل دا غالبا بيكبر مفيش أى تفاعل اجتماعى ولا تواصل لفظى أو حتى غير لفظى
لازم نعرف إن التأخر اللغوى للطفل الطبيعى بيأخر الذكاء ويعمل على تأخر الجانب المعرفى والإدراكى
>((متى أعرف إن الطفل محتاج جلسات تخاطب ))
مبدئيًا لو الطفل عنده أى مشاكل بنحتاج تدخل مبكر على طول
عشان النتايج تظهر مبكًرا ويكون مقارب للطبيعى
*لو الطفل طبيعى كيف أعرف أنه متأخر !!!
هنتكلم أولا عن السنه الأولى فى حياة الطفل
(١__١) يعنى الطفل وهو عنده سنه بيعرف ويقول كلمه واحده مقصوده وتكون حصيلته اللغويه من ١٠-١٥ كلمة
(٢__٢) الطفل وهو عنده سنتين بيعرف ويقول جمله من كلمتين وعنده حصيلة لغويه من ٢٠٠_٢٥٠كلمه
(٣__٣) الطفل وهو عنده ٣ سنوات بيعرف ويقول جمله من ٣ كلمات وعنده حصيله لغويه من ٣٠٠٠ _٥٠٠٠ كلمه
من السنه الرابعه يقول جمله من اربع كلمات مع ضبط السياق داخل الجمله
السنه الخامسه والسادسه ___هنا يبدا يعرف يحكى قصه مرتبه الاحداث منضبطه السياق صحيحه الاصوات
متى الطفل محتاج تخاطب ..!!
مثال طفل عنده سنتين وبيقول ماما و بابا بس
هنا هنعمل إرشاد أسرى وننصح بحضانه
لو الطفل اتحسن في خلال ٣ شهور ما تحسنت اللغة عنده وعرف كلمات أكثر محتاج بعدها يأخذ جلسات تخاطب
-طفل تلات سنين بيقول كلمات مفرده بس هنحتاج التخاطب يدخل مع حضانه
*ويجب على كل أم أن تتبع الأتى مع طفلها لكى تتخطى هذه المشكلة
1-استخدام جمل بسيطة وواضحة تتناسب مع عمر الطفل •
2-إشعار الطفل بالأمان أثناء التحدث معه•
3- تشجيع الطفل على اللعب والاندماج مع اقرانه •
4- استخدام حواس الطفل في عملية إكسابه اللغه •
4-العمل على زيادة مفردات الطفل وذللك بكثرة الحديث معه عن كل ما يراه امامة •
5-إعطاء الطفل الوقت الكافي أثناء الكلام معه •
6- المتابعة المستمرة من أولياء الأمور مع المعلمين واخصائى التخاطب
