الجمال..

الجمال..
كلمه حلوة دايما بنسمعها بس لسه موصلناش لاسرار الجمال، الجمال فطرة في كل بنت ،بس عشان تبقي جميله لازم تشوفي الجمال ده جواكي، تحسي انك انثي تشوفي ده في نفسك متبقيش شبه الولاد غيري من نفسك اسلوبك طريقه لبسك اقفي قدام المرايه وقولي انا حلوة خليكي دايما واثقه في نفسك حتي في اصعب اوقاتك.
ابعدي عن اي حاجه واي حد يضايقك ،او يزعلك واعرفي دايما ان مفيش حد يستاهل تزعلي عشانه ،عيشي وافرحي ومتستنيش حاجه من حد.
بايدك تفرحي نفسك اه والله فرحي نفسك هاتي شيكولاته و شيبسي واخرجي واتفسحي اتبسطي كفايه نكد بقي.
نيجي بقي للاهم لازم تهتمي بنفسك عشان نفسك عشان تحسي انك مرتاحه حبي نفسك غيري طريقتك شعرك ولو محجبه غيري طريقه الطرحه من وقت للتاني ولبسك البسي فساتين والوان فاتحه ومبهجه عايزة تحطي ميكاب حطي خفيف عشان تبقي اجمل ويظهر جمالك مش لازم نمشي علي الموضه لان مش بتليق علينا كلنا بس نقدر يبقي لينا ستايل خاص بينا نكون مرتاحين في وف نفس الوقت شيك خليكي مميزة
جسمك وشعرك لازم تهتمي بيهم كمان، استحمي باستمرار ورطبي جسمك دايما خليكي ناعمه وشعرك دايما كل 3 شهور
قصي اطرافه عشان يطول وميقصفش وقبل ما تنامي فكي شعرك او لو عايزة تربطي اربطي علي خفيف كده عشان يتنفس
بشرتك بقي اعملي ماسكات نضارة زي ماسك الدهب او الفحم مرتين في الاسبوع عشان بشرتك تكون حيويه ومفيهاش عيوب
اخر حاجه بقي مستقبلك ياجميله لازم تفكري دايما في مستقبلك ازاي تطوري من نفسك وتتعلمي حاجات جديده خدي كورسات في حاجه بتحبيها نمي مهاراتك اشتغلي واعملي لنفسك كرير خاص بيكي لما تحققي الحاجه اللي بتبسطك هتفرحي وهتفرحي اللي حواليكي
حاجات بسيطه بتعمليها هتخليكي ملكه فعيون نفسك وعيون الناس قلوبنا بسيطه اضحكي وافرحي ومتشيليش هم حاجه
لسه اسرار الجمال مخلصتش لو عايزة تعرفي باقي الاسرار استني كل يوم سر جديد من اسرار جمال حوا