الحمام الكداب بالفريك مقدم من الشيف المبدعه ايمان حمزه

السلام عليكم ورحمه الله وبركاته
مقدمه من: ايمان حمزه
اسم الوصفه: الحمام الكداب بالفريك
مده التحضير:30دقيقه
مده الطهي:60دقيقه
المقادير: كيلو اوراك دجاج مخليه وتاركين اخر قطعه في الدبوس
نص كيلو فريك مغسول ومنقوع
بصلايه مبشوره
زيت وملح وفلفل وصلصة
هنجيب الاوراك ونغسلها كويس ونتبلها بملح وفلفل وميه بصل وننقعها شويه
ونجهز الحشوة نضع الزيت في الحله وننزل بالبصله المبشوره ونشوحها وننزل بالفريك ونشوحه مع البصل وننزل عليه بمعلقتين صلصه طماطم ونزوده بالميه المغليه ونسويه 3/4سوا
ونفرد اوراك الدجاج ونضع في نص الورك حشوه الفريك ونلفه ونقفله بالخله ونلفه باستريتش بلاستيك وبعدين ورق الفويل ونسلقه حوالى ساعة
يخرج الحمام الكداب من الفويل وإما أن ترصيه في صينية وتدهنيه بصلصه وزيت ويدخل الفرن ليتحمر أو يتحمر في الطاسه
يرص في طبق التقديم ويقدم مع الفريك بعد تمام السوا
وبالهنا والشفا
هو صحيح حمام كداب بس حاجه كده من الاخر