حمام الكداب مقدم من اسلام عصفور

حمام كداب
مقدم من إسلام عصفور
مده التحضير 15 دقيقه
مده الطهى حوالى 30 دقيقه
المقادير
وراك فراخ مخليه مغسوله بملح وليمون ودقيق
حبه بصل كبير مبشور
حبه بصل كامله
رز على حسب كميه الوراك
كبد
قوانص
ملعقه زبده
ملعقه زيت
ورق لورى
حبهان
البهارات
كمون
فلفل أسمر
زنجبيل
ملعقه صغيره من السبع بهارات
ملح
رشه قرفه (إختيارى )
الطريقه
فى طاسه على النار نضع الزبده والزيت يسخن نضيف البصله المبشوره والفلفل الأسمر يدوب تدبل نضيف القوانص وتكون مقطعه مكعبات صغيره نشوحها 5دقايق ونضيف الكبد وتكون مقطعه قطع متوسطه ونشوحها 5دقايق ونغسل الارز ونضيفه ونضيف باقى البهارات ونقلبه دقيقه ونضيف ماء ساخن يدوب تغطى الارز ويشرب مائه نطفى عليه نصف سوا ويبرد نحشى بيه الوراك ونقفلها بالخيط أو بخله أسنان ونلفها بورق فويل ونضع اناء على النار فيها ماء وبصل وورق لورى وحبهان وكمون وفلفل أسمر وملح تغلى نضيف الوراك بتاخد حوالى نصف ساعه سوا
ونحمرها فى زيت على البوتاجاز أو ندهنها صلصه ونرش عليها كمون وفلفل أسمر وزبده وندخلها الفرن تحت الشوايه تتحمر وبألف هنا
رئيس قسم المطبخ أ / جيهان جعفر