الحمام المحشي مقدم من مطبخ رميس احمد

مدة التحضير ساعة
مدة الطهي ساعتين
المقادير
عدد 6 حمام صغير العمر
مغسول ومنقوع في خل وليمون قبل التحضير بساعة تقريبا
بصلة متوسطة
2 كوب أرز
كوب ماء. لتسوية الأرز
ملح وفلفل وكمون للارز
وكركم اختياري بيضاف للشوربة فقط مع حبهان وورق غار
ملعقتين زبدة بلدي او اي نوع سمن تفضليه
الطريقة
نجهز خلطة الحشو ونقوم بتقطيع البصل وتحميره في قليل من الدسم ونقطع عليه الكبد والقوانص وممكن نخليهم نسد بيهم فتحات الحمام ثم نضيف الارز ونشوحه ونضيف الملح والماء فقط ونتركه حوالي 7 دقايق علي نار هادئة ثم نضيف ليه الزبدة والفلفل الاسود والكمون ونقلبهم وبكدا عندكم احلي حشوة للحمام ٠
نشطف الحمام ونملحه بملح وفلفل من الداخل تمليح خفيف ونحشيه باالحشوة المجهزة ونلفه بفويل ونغليه حوالي ساعتين ولو مش حابة تلفيه في فويل مش تكتري الحشوة عشان مش يفرقع منك وكدة بياخد في التسوية وقت اقل وخدي بالك وانتي بتقلبيه وياريت مش تقلبيه خالص لو مش في فويل ٠
وبعد التسوية نشيل الفويل من عليه ونحمره ونزينه ببقدونس وطماطم او اي خضار بتحبيه وباالهنا والشفا
رئيس قسم المطبخ أ / جيهان جعفر