الوصفه الحواوشى
مقدم من ايمان عبد الوهاب
وقت التحضير ١٥ دقيقه
وقت الطهى من ١٥ : ٢٠ دقيقه
المكونات
عيش بلدى
لحمه مفرومه ناعم فى نسبة دهون
بصل مفروم ناعم
فلفل اخضر بارد او حامى حسب الرغبه
توابل حبهان وقرنفل وورق لورا وكبابه صينى وقرفه وفلفل اسود حب وكمون حب وكزبره ناشفه نحمصهم مع بعض دقيقه ع نار هاديه ونطحنهم ناعم جدا
ملح ورشة فلفل اسود
سمنه وزيت
الطريقه
نخلط اللحمه بالتوابل والملح والفلفل الاسود ونعجنهم حلو اوى مع بعض وننزل بالفلفل الاخضر ونقلب ونحشى العيش ونجيب صنيه نمسحها بالزيت والسمنه ونضع رغيف الحواوشى ومن فوق الوش ندهن سمنه وندخله الفرن يستوى من تحت نقلبه ولو احتاج ماده دهنيه نحط بس بسيط عشان اللحمه فيها دهون وبألف هنا
ملحوظه البصل يكون نصف كمية اللحمه بمعنى لو اللحمه نصف كيلو يبقى نحط ربع كيلو بصل
رئيس قسم المطبخ
اسماء عزازي
وسمسمة سعد
