الحياة مش مستاهله خصام وتجاهل..”الخصام مش هو الحل”
الحياة مش مستاهله خصام وتجاهل..”الخصام مش هو الحل”
بقلم: ماريان ألفى
الخصام مش الحل الخصام والتجاهل وقله الاهتمام عمرها مابتحل مشكله ولا بتسبب انتصار طرف على طرف تاني دي بتسبب الجفا والبعد والكره أكبر غلط, لما يفتكر شخص إنه بخصامه وتجاهله لشريك حياته إنه كده بيعلموا الأدب زي مابيقولوا.
أسوء احساس
علي فكره انت كده عملت الاسوء إحساس ان وجودك مش فارق بيعلم الجفا الوقت اللي بيكون محتاجك فيه ومش يلاقيك بسبب خصامك بيعلم الجفا ساعتها انت بتخسر اللي قدامك بالأسلوب ده|.
لان خلاص انت سببتله جفا من ناحيتك, مهما حصل بينكم مشاكل وخلافات الخصام مش الحل الخصام بيودي في داهيه ايوه بيودي في داهيه انت كده بتعود الطرف التاني علي بعدك وده بيأدي للانفصال لانه خلاص اتعود علي البعد مبقاش حاسس انه مهم بالنسبالك.
مره علي مره كل ماتحصل مشكله اتعود انك هتبعد هو كمان هيزهق من الاسلوب ده وهيبعد هيمشي من غير كلام ساعتها مش هيفيد في حاجه الندم لما تفتكر انك كده بتعاقبه
الغلطة الكبيرة
أكبر غلطة ممكن ترتكبها في حق الست إللي معاك إنك تعودها على غيابك، الست لو اتعودت على الحياة من غيرك مستحيل ترجع تحتاج لك تاني, ووقتها خلاص عقلها بيترجم إنها لوحدها.
هتروح وتيجي لوحدها، هتتصرف لوحدها، هتحل مشاكلها لوحدها، ومع كل حاجة بتنجزها أو كل مشكلة بتعدي منها لوحدها.
فقدان المشاعر
حبك بيقل بالتدريج جواها لغاية ما مشاعرها تجاهك بتموت وبتلاقيها لا كرهاك ولا لسه بتحبك.. هي مش شايفاك أصلًا.
الحياه مش مستاهله
-الدنيا مش مستاهلة خناق و خصام و زعل يأكل من أعصابنا و حياتنا ..نضغط نفسنا و نعيش في قلق دايم ,ندخل في حروب كلامية و كل واحد عارف بيقول ايه وبيعمل ايه.
– الحياه مش مستاهله الحياة بتتعاش مرة واحدة ,لما تحصل بينكم مشاكل اتفهموا اتكلموا اتناقشوا ماتبعدوش متتخاصموش متتجاهلوش
