الخبز التركي بالجبنة مقدم من شيف نيفين عبد العزيز

كتبت اسماء عزازي
مقدمة من :نيفين عبد العزيز
مدة التحضير: 30دقيقة
مدة الخبز :7دقائق
المقادير
2كوب ونصف دقيق
كوب حليب دافئ
ربع كوب زيت
ربع معلقة صغيرة ملح
معلقة كبيرة سكر
معلقة كبيرة خميرة فورية
خلطة الجبنة
4معالق كبيرة جبنة فيتا او النوع اللى نحبه
2معلقة كبيرة قشطة
بشر جبنة رومى
للوجه
بيضة ورشة فانيليا
سمسم وحبة البركة
بشر جبنة رومى
الطريقة
نحضر كوب او طبق غويط وصغير ونضع به ربع مقدار الحليب الدافئ ونضع عليه معلقة الدقيق ناخدها من مقدار الدقيق ونضع معلقة السكر ومعلقة الخميرة ونقلب جيدا بمضرب سلك او معلقة ثم نغطى الكوب اوالطبق ويترك الخليط يختمر المهم لازم حجم الخليط يتضاعف ونترك باقى الحليب جانبا وبعد ما اختمرت وتضاعف حجمها نحضر طبق ونضع به ال2كوب ونصف دقيق والملح الزيت ونقلب ثم باقى الحليب و خليط الخميرة ونقلب ونعجن كله الى ان تتكون عجينة متماسكة وناعمة ولو كانت لسه بتلزق باليد نضع كمان معلقة دقيق او معلقتين على حسب ما تلم معانا العجينة ونعجنها كويس المهم تتكون عندنا عجينة متماسكة وناعمة
نحضر طبق ونضع به الجبنة الفيتا والقشطة ونقلب نقسم العجينة الى اربع قطع ناخد اول قطعة ونفردها على سطح مرشوش بسيط من الدقيق ونفردها تكون رقيقة مش تخينة ونضعها بصنية كبيرة مدهونة زيت ثم ندهن العجينة من الجبنة وبلاش نوصل الجبنة لاطراف العجينة وبعدين نفرد قطعة عجينة ثانية ونفردها اد العجينة الاولى وبعدين نحطها على الجبنة ونقفل اطراف العجينة ونبرمها على فوق ونبتدى نضغط على وجه العجينة بأطراف الاصابع وبعد كده ندهنها من البيض المخفوق مع رشة الفانيليا وترش حبة البركة وسمسم وبشر جبنة رومى ونعمل بقطعتين العجينة نفس الطريقة ممكن نحشيها مع الجبنة قطع بسطرمة زى ما نحب ثم نشعل الفرن من اسفل على درجة عالية ويترك يسخن عشر دقايق نحط اول صنية بمنتصف الفرن وتترك الى ان تحمر العجينة من اسفل وبعد ما تحمر نطفى النار ونشعل الشواية تاخد لون ونطلعها ونطفى النار ونشعل الفرن من اسفل ونسوى الصنية التانية بنفس الطريقة ولما نطلع الخبز نشلها بصنية تانية ونغطيها تلات دقائق ثم تقطع مربعات وتقدم مع باقى الجبنة بالقشطة وبألف هنا
رئيس قسم المطبخ اسماء عزازي
وسمسمة سعد