الدكتور عاطف جوده يكتب : ” طلع الصباح”

طلع الصباح فارش حنين
صحي الغلابه الشقيانين
لمو هدومهم
شالوا همومهم
مستنيين
بكره اللى غايب من سنين
يمكن يكون جايب لهم
سر الحياه
يمكن يكون شايل لهم
طوق النجاه
طال الانتظار
واحنا كتار
والحزن خيم ع الوجوه
يمكن نتوه
ويتوه معانا حلمنا
ونسيب ورانا عمرنا
نزل الظلام
والكل نام
والصمت خيم ع الجموع
طال الانتظار
شاب الصغار
والكلمه واقفه ف حلقنا
واللقمه في ايدينا سراب
شق السكون
عيل صرخ
صحى الجموع
شد القلوع
والخوف خلع
يا شقيانيين
ياعرقانيين
مالكم سنين مستنيين
بكره اللى غايب من سنين
طال انتظاركم العدم
بكره هرب
بكره هرب
فاتفرقوا