الدنيا لسه بخير …. بقلم / غرام نعيم
الدنيا لسه بخير
شعر / غرام نعيم
الدنيا لسه بخير
مادام في قلبك خير
تتمنى كل الخير
ليك كمان للغير
تبقى ضياء وأمان
للكل رغم العتمة
وغدر كل جبان
مادد إيديك بالخير
ماشي في سكة خير
ولو بعكس السير
جابر قلوب الناس
ولا ترضى يوم تنداس
عايش بمبدأ ثابت
ويكون له بس أساس
ده اللي في قلبه الخير
بيعيش تمللي في خير
بيبقى طاقة نور
ويعيش كمان مستور
وزمان قال الرسول
من سنين وسنين
موجود الخير مابينا
لحد يوم الدين
المزيد من المشاركات
غرام
