الدنيا برد … بقلم/ غرام نعيم
الدنيا برد
بقلم/ غرام نعيم
الدنيا برد
المزيد من المشاركات
الدنيا برد يامّاه
سيبيني أنام شوية
واتدفى اليوم في حضنك
ده الجو برد يامّاه
وهدومي ماهيش كفاية
مابلاش شغل النهاردة
لأ، خلاص انا قايمة ياماه
ده الشغل أصله بيومية
والعين بصيرة يامّاه
والإيد مفيهاش جنيه
محتاجة چاكت عليا
وأخويا برضه يامّاه
محتاج له واحد عليه
راح أدوس على تعبي يامّاه
وأهو يوم حيعدي عادي
ياما عدى قبله ياما
وأهو عدى اليوم خلاص
واتكسرت الأقفاص
عصافير الجنة طارت
مابقاش فيه برد تاني
ولا فقر وقهر تاني
اليوم كانت ولادتي
اليوم بدأت سعادتي
مابقاش فيه برد ياماه
مابقاش فيه برد ياماه
