الديك الرومي ورز بالخلطه مقدم من الشيف ياسمين مرسي
المقادير
طبعا الديك ❤️نجم السفرة
حابداء بعرض نوعين من مقادير التتبيلة المستخدمة فى تنفيذ العمل البطولى قصدى الديك الرومى
اولا – – – – عصير برتقال حوالى 2 برتقالة-معلقة كاتشاب كبيرة-ملح – فلفل-بهار – معلقة عسل كبيرة -ثوم بودر – بصل بودر معلقة كبيرة من كل نوع
والتتبيلة السابقة خاصة بتحت الجلد فقط سواء بتحقن بسرنجة عريضة زى الدكتورة كدة بعد تصفيتهااا بمصفاة لضمان الحقن السهل او شقين تحت الجلد فى الصدر زى ماانا منفذاة مع المحافظة على الجلد سليم لضمان التسوية والشكل الجميل
ثانيا———-بصلة مفرومة كبيرة – ثوم بودر – بصل بودر معلقة كبيرة من كل نوع-معلقة كاتشاب كبيرة – 1طماطم مفرومة – ملح – فلفل-بهار والتتبيلة خاصة بسطح الديك كلة وقلبة من جواة ♥️♥️♥️
باقى المقادير – – – – – – –
جزرتين متقطعين حلقات – بصلة متقطعة على اربعة او بصلتين حسب الرغبة – 4 او 5 فصوص ثوم من غير تقطيع-عيدان كرفس – طماطم متقطعة على اربعة
والخطوة الحالية مهمة جدااا تحت الديك ومن جواة بتفرق فى الطعم اوى
الطريقة – – – – – –
اولا الديك بيتنقع فى محلول ملحى (كيس ملح وخل) تقريبا ساعة او اتنين وطبعا نغسلة جيدا ونصفية من المياة كويس جدااا
ثانيا——-قبل العزومة بيوم او يومين نتبل الديك كل ماالتتبيلة تقعد فترة النتيجة بتكون مدهشةةة
حنبدا بحقن التتبيلة رقم 1 بعد تصفيتها جيدا لو مافيش السرنجة المناسبة حنعمل شق طولى تحت الجلد فى كل صدر وندخل التتبيلة لضمان طعم وتسوية الصدر جيدا
ثالثا———التتبيلة رقم 2 على الديك بالكامل ومن جواة
ثالثا – – – – – الخضروات الجميلة السابقة تحت الديك وجواة بتدى كمان شكل تحفة وبتتاكل فى الاخر وممكن كمان بطاطس على اربعة او اى خضار تانى بص ماعدا الكوسة والبدنجان حيتهروا ومش حيكونوا بطعم حلو او ننزل بيهم اخر وقت فى تسوية الديك
وبنشيل الديك فى التلاجة لو عندك كيس حرارى مقاس الديك اوك مش متوافر او مقاس الديك كبير زى الديك المنفذ يبقى حنغطية كويس اوى ليوم التسوية
اخر خطوة
حنسوية على البوتجاز حوالى ساعة مغطى بالفويل وتحتية بنتابع المياة وبعدين فى الفرن ساعة كمان متغطية ومن غير شواية وطبعا عدد الساعات حسب وزن الديك الرومى انا سويتة تقريبا 4ساعات لانة كبير تقريبا 9 ونص كيلو
وبعدين اخر ساعة ونص تقريبا بنشيل الفويل وبنتابع المياة ودى طريقتى فى تسويتة والنتيجة حكاية فعلا
ولو عندنا الكيس الحرارى بيستوى فية فى الفرن على طول وتحت الكيس مياة اول مايغلى الديك شوية بنعمل فتحات فى الكيس حوالى ساعة كمان وبعدين بنشيل الكيس ونكمل التسوية
المفاجاءة انا مشغلتيش الشواية خالص لاقيتة مستوى وواخد اللون الحلو وطالع طرى ومش ناشف ويفضل لو عايزين تشغلوا الشواية يكون وقت بسيط علشان مينشفيش ويطلع مظبوط
