سويسرول بمقادير الشاتوه مقدم من مطبخ ايناس الطباخ

سويسرول بمقادير شاتوه الشوكولاته
مقدم من مطبخ إيناس الطباخ
وقت التحضير 10دقائق
وقت الطهى 15دقيقه
وقت التزيين ساعتين
المقادير
كوب سكر
كوب حليب
كوب زيت
اربع معالق كبيره كاكاو خام
ربع ملعقة صغيرة فانيليا
2بيض
فانيليا
كوب دقيق
باكو بيكنج بودر
كريم شانتيه للحشو والتزين
الطريقه
فى الخلاط نضرب الحليب والسكر والكاكاو والزيت والفانيليا جيدا لحد ما يبقى خليط تقيل ناخد منه كوبايه نشيلها فى التلاجه
باقى الخليط اللى فى الخلاط نضيف عليه البيض والفانيليا ونضرب ونضيف الدقيق والبودر وننزل الخليط فى صينيه 30*30 مربعه .. وندخله فرن 180 درجه لمدة15 دقيقة .. اولمايخرج من الفرن نقلبه على فوطه ونلفه رول وندخله التلاجه ساعه
بعد ساعه لما يبرد ناخده ونفتحه بالراحه ونحشيه بكريم شانتيه مخفوق ونلفه وندخله الفريزر سااعه كمان يطلع من الفريزر ونغطيه بالصوص اللى شيلناه فى الكوب فى التلاجه ونقطع الحرفين الزياده ونزين بوردات كريم شانتيه وبالف هنا
رئيس قسم المطبخ أ / جيهان جعفر