السينابون. مقدمه من شيف ندي فاروق
كتبت سمسمه سعد
وقت التحضير:30 دقيقه
وقت التخمير: ساعتين
وقت الطهي :20 دقيقه
المكونات
نص كوب حليب
2 كوب دقيق
ربع كوب سكر
تلت كوب زبده بدرجه حراره المطبخ
1عدد بيضه
فانيليا
معلقه وربع خميره فوريه
رشه ملح
علبه كريمه حلويات جهينه
مكونات الحشو
قطعه زبده
1كوب سكر +معلقع عسل اسود
2 معلقه كبيره قرفه
2معلقه كبيره كاكاو خام
مكونات التوبينج
8 مكعبات جبنه كيري
كوب سكر بودره
ربع كوب زبده بدرجه حراره المطبخ
معلقه صغيره فانيليا
رشه ملح
الطريقه
اللبن يكون دافئ وعليه السكر والخميره ويقلب ويغطو 10 دقايق حتي يتم التخمير ثم نضع البيضه والملح والزبده والفانيليا ويقلب كويس جدا ثم نضع الدقيق تدريجيا مع التقليب هتبقا بتلزق شويه تمام هوده المطلوب هنضع العجينه علي الرخامه ورشي دقيق ونبدا نعجن شويه هتبدأ تلم وهتبقا مش بتلزق نغطيها ونسيبها تخمر حوالي ساعه حتي تتضاعف حجمها
هنحضر الحشو
كوب السكر مع العسل ويقلب هيصبح جاهز عندي سكر بني هنقلب معهم القرفه والكاكاو
*ثم نحضر التوبينج
نضع كل مقادبر التوبينج علي بعض ونقلب كويس جدااا
ونهرس الجبنه ونقلب نضع ربع كوب لبن حتي يتم الخفق بشكل جيد ويصبح عندي صوص سائل
نرجع للعجينه هتكون خمرت ارش دقيق وافرد العجينه مستطيل وافرد عليها قطعه زبده ثم افرد الحشو
والف العجينه رول مضبوط مثلا السويسرول
ثم بخيط تقيل ابدأ اقطع السينابون من النصف حتي نضمن شكل مضبوط للسينابون لاني السكينه بتبوظ الشكل
ونقطع السينابون كله بواسطه الخيط ونرص في صينيه بيريكس مدهونه زبده ونسيب مسافه بكل كل قطعه وتخمر تاني ساعه هيتضاعف حجمها وتلزق في بعض هندخلها فرن سخن جدا علي اعلي درجه لمده 10 دقايق ثم نخرجها ونضع فوقها علبه الكريمه ونوزع كويس الكريمه وتدخل الفرن مره اخري 10 دقايق لحد ماتأخد اللون الدهبي نطلعها ونضع فورا خروج السينابون من الفرن التوبينج
والف هنا