الشاعر الكبير ابراهيم رضوان يكتب . . مصر يعنى ايه
الشاعر الكبير إبراهيم رضوان يكتب / مصر يعني إيه؟!!!
ورده فيها شوكها..سطح عليه ديوكها
مين في الكون شاركها..في الحسن اللي فيه
مصر يعني إيه
يعني الست هانم..و الإبن اللي هايم
لو تشوفه نايم..هي تصحي فيه
مصر يعني إيه
يعني حضن دافي..و الحب الخرافي
بلسم روحها شافي..و احنا فرحنا بيه
المزيد من المشاركات
مصر يعني إيه
يعني المشربيه..و جمال التحيه
هي هي هي..الكون و اللي فيه
مصر يعني إيه
يعني عيون خجوله..و جبال البطوله
قلب فيه حموله..و النور بيناديه
مصر يعني إيه
يعني هي إحنا..أحزاننا و فرحنا
ضيقنا أو براحنا..حافي و اللا بيه
