الشيش طاووق
مقدمه من شيف شوشو عرابي
كفاية لحمة بقى نغير وناكل فراخ
بطريقة جديدة وشكل جديد جربتها وعجبتنى جداااا
التتبيلة ٢ بصلة + ٢ حبة طماطم هنفرمهم فى الكبة فرم ناعم اوى ونصفيهم وناخد المايه بتاعتهم ونضيفلها ملح + فلفل + كسبرة + كارى + ثوم مفروم + ٢ علبة زبادى + ٢ مكعب مرقة دجاج + بهارات فراخ + بابريكا + مسطردة + صويا صوص + عصير ليمون هنمزج الخليط ده ونصبه على قطع صدور فراخ او قطع اوراك مخلية
هنغطى الفراخ بأسترتش راب وعلى التلاجة لتانى يوم?
هنصفى الفراخ من التتبيلة ونحط التتبيلة على جمب هنحتاجها تانى
هنرص قطع الفراخ فى اسياخ الشيش وفوقها قطع فلفل ملون وشرايح بصل وندخلها فرن ١٨٠ درجة على الشبكة ونحط تحتها صاج او صنية فيها مايه
هناخد بقى كوب من التتبيلة ونضيفله ٢ معلقه كبيرة صلصة + ٣ معلقه كبيرة زيت ونقلبهم فى بعض وكل شوية ندهن الفراخ بيهم ونقلبهم على الجمبين
بعد السوا ودى حركة اختيارية هنعمل خليط مكون من ٢ معلقه كبيرة دبس الرمان + ٢ معلقه كبيرة باربيكيو + ٢ معلقه كبيرة زيت + ملح + فلفل وندهن بيه الفراخ بيدى لون وطعم وهمى??
ونقدمها مباشرة من الفرن وبالف هنا
يحتوي 100 غرامٍ من صدر الدجاج قليل الدهون على 64% من الكمية اليومية المُوصى بها من البروتين، وتجدر الإشارة إلى أنّ الدجاج يُعدُّ مصدراً للبروتين عالي القيمة البيولوجية؛ أي الذي يرتفع مستوى امتصاصه واستخدامه في تكوين بروتينات أخرى،ويساعد تناول البروتين على الحفاظ على الكتلة العضلية، وبناء العضلات مع ممارسة تمارين القوة، كما أنّه يساهم مع الكالسيوم في حماية العظام وتعزيز صحتها وقوتها، بالإضافة إلى ذلك فإنّ تناول البروتين يساعد على زيادة الشعور بالشبع وتقليل الرغبة في تناول الطعام. مصدرٌ للفيتامينات والمعادن: يُعد الدجاج مصدراً للفيتامينات الذائبة في الماء، بما في ذلك فيتامين ب12، وفيتامينات أخرى من مجموعة فيتامين ب، مثل: النياسين أو فيتامين ب3 وفيتامين ب6، وحمض البانتوثينيك أو فيتامين ب5 ومقارنةً باللحوم الحمراء فإنّ الدجاج يحتوي على كمية أقل من فيتامين ب12 والحديد، وكمية أعلى من فيتامين ب3، كما يُعدُّ مصدراً جيداً للسيلينيوم، والنحاس، والزنك.
رئيس قسم المطبخ أ سمسمه سعد