الضمان

الضمان

بقلم/ الدكتورة فيفيان مجدي

طول ما الشخص اللي قدامك ضامن وجودك فى حياته ومدي لنفسه حق انك ملكية خاصة لِه يبقي عمرك ما هتعرف تعيش.

في الفترة الأخيرة زاد تردد أشخاص على العيادة أو حالات عندها مشاكل كثيرة بسمعها من الناس اللي بتبقي ف الاغلب سببها نظرية اسمها ( الحق المكتسب )

اي معني انك تكون خلاص بقيت من حق شخص آخر ،مهما كان سبب لك في اذى ، وهتوصل لمرحلة ماهتعرف تقولة كلمة لأ، ولو قولت لأ هيلوموك قوي عليها لمجرد إعتراضك عليهم، دلوقتي اللي هو ما أنت كنت مهما يحصل فيك ما كنتش  بتتكلم وتوافق مهما بلغ الاذي  لمشاعرك أو لشخصك.

فى أول ماتبدأ تعترض على أسلوب واستغلالهم لِك هتبقي إنسان غير كويس في نظرهم.

وفى الحاله دي مع إحترامي للكل ،احنا بنكون السبب فى إهانة أنفسنا وبنرجع نلوم نفسنا  وعلى الناس فى حين اننا احنا اللي اتسببنا فى كل اللي حصل لنفسنا من آذى لمشاعرنا ولشخصنا.

وبسبب كل اللي فات تعالوا نبدأ صفحة جديدة في حياتنا مع  السنه الجديده واحنا مقررين اننا مافي انسان نكون ملك لِه أصل احنا مافي حرب لكي نكون اسري حرب لحد.

افتكر كويس انا أو انت  مش ملكية خاصة لأي إنسان أخرى، افتكر ان ربنا خلقنا احرار.

دمتم سالمين

دكتوره فيفيان مجدي

استشاري صحه نفسيه وإرشاد اسري وتربوي