كتبت سمسمه سعد
مده التحضير ساعة
مده الطهي نصف ساعة
المكونات
ستخدم فيها منديل الخروف
محشي بخلطه اللحم الضاني المفروم
لحم ضاني مفروم جامد لغايه ما بقي ناعم
توابل كفته مشويه
ملعقة كبيرة بدره بصل
ونصف ملعقة صغيرة بدره ثوم
ملح
فلفل أسود
رشه قرفه
بقدونس مفريه ناعم
200 جم ليه خروف
منديل الخروف مقطع حتت زي ورق الكرنب حوالي 10 سم × 15 سم
خليط لنقع منديل الخروف ولدهن الطرب أثناء الشوي
فى طبق ( ماء بصل+زيت +توابل كفته مشويه+ملعقه صويا صوص +ملعقه بربيكيو )
الطريقه.
أولاً. ننقع حتت منديل الخروف فى خليط دهن الطرب.
ثانيا. نخلط المقادير السابقه كلها ( ماعدا المنديل طبعا ) مع بعضها باليد أو فى الكبه سريعاً
ونكورها كور بحجم كوره التنس او حجم البيضه الكبيره
نقطع منديل الخروف مستطيلات حوالي 10 سم × 15 سم زي ورق الكرنب
نصبع كل كره لحم بحيث لا يتعدي طولها عرض ورقه المنديل
ونرفع حتت المنديل من الخليط اللى نفع فيه ونلف المنديل حولها علي طوله كاننا بنحشي كرنب تمام نضع الطرب في اسياخ الشوي باحكام و بهدوء ثم نقوم بالشوي أما على الفحم أو على الشوايه أو على الجريل أو حتي في صنيه فى الفرن عادي جدا.
ملحوظة.
أثناء شوى الطرب يدهن الطرب بفرشاه بخليط دهن الطرب
و تقدم على فرشه من البقدونس المفروم وسلطه طحينه وسلطه خضراء بلدى وعيش بلدى والف هنا
رئيس قسم المطبخ أ سمسمه سعد
واسماء عزازي
