العيادة النفسية
العيادة النفسية
باسم عامر يكتب العيادة النفسية
كتير جدا بقينا نسمع عن مصطلح الصحة النفسية!
وكتير مننا اتعرض لمشاكل وضغوط ومعاناة طويلة وفي النهاية اكتشفنا انها “ضغوط نفسية”
حتي وصل الأمر لخلافات ومشاحنات بدون مبرر
علاقات بتموت وكانت لسه بتبتدي
ناس بتسيب شغلها
وناس محبطه كفرت بأحلامها
وصحاب بقوا أعداء ما بين يوم وليلة
شك وحسد ونداله وخيانة
والسبب تافه “ما أَنزَلَ اللَّهُ بِه مِن سُلْطَان”
يعني ايه “صحة نفسية”
تعني تكيف الإنسان لمواقف الحياة “العادية” تكيفًا معقولًا
ولأن الحياة أصبحت سريعة التغير وهذا يتطلب من الإنسان أن يكون دائم التكيف ليحافظ على صحته النفسية وعلى تقوية وظائفه النفسية والعقلية حتى يستطيع مجابهة مصاعب ومشاكل الحياة
ومهم أن نؤكد أن الصحة النفسية لا تعني مجرد خلو الفرد من الأمراض لكن لابد من قدرة الفرد على مجابهة المشاكل والضغوط
وكذلك من المهم أن نؤكد أن “التكيف المطلق” مطلب لا يمكن تحقيقه لأن كل منا لابد وأن يكون لديه بعض “مواطن الضعف” لذلك فالتكيف الصحي تكيف نسبي وليس معناه الخلو الكامل من الإخلال.. فالمحافظة على الصحة النفسية أو الوصول لها يتطلب من الإنسان السعي إلى تحقيق التكيف
وعشان نوصل للتكيف ده
مهم إنه نتأكد من إن أجسامنا وعقولنا كل يوم تمام
والإهتمام مش يبقي بس وقت المرض
فى العادة كلنا بنفشل في الإهتمام بنفسنا؟
التدريب على “الاعتناء بالنفس” مش أمر سهل دائماً
لأنو معظمنا مشغول وبنجري ورا متطلبات الحياة اللي مبتخلصش “التزامات – شغل متعب -أعمال منزلية – دراسة” إحنا وصحتنا ونفسنا دايما في آخر الاهتمامات
تعالوا نعرف ازاي نهتم بأنفسنا!
1️⃣ كون منظّم
التنظيم والترتيب هو الخطوة الأولى لتصبح أكثر راحة وطبعا الموضوع سهل جدًا كلنا معانا موبايلات سمارت فون هتلاقي عندك تطبيقات تقدر تسجل فيها مهامك اليومية والشهرية والسنوية
2️⃣ الغذاء الصحي المناسب
في النقطة دي مفيش أفضل من حديث النبي صل الله عليه وسلم “ما ملأ إبن آدم وعاء شراً من بطنه .. بحسب إبن آدم لقيمات يقمن صلبه .. فإن كان لابد فاعلاً فثلث لطعامه وثلث لشرابه وثلث لنفسه”
3️⃣ “اتعلم تقول “لأ
يمكن تستغربوا بس القصة إنه كتير منا بيجبر يقول “نعم” على أمور بدافع التهذيب والمسايرة الاجتماعية وحتى الإلتزام الأخلاقي بس كم واحد فينا وصل لأنه خلاص هينفجر؟
تقول “لأ” أمر مش سهل وبحاجة لتدريب ..بس إذا كان الطلب بيستهلك منك طاقة ووقت.. اتعلم تقول لأ
لأن ببساطة إذا فضلت تقول نعم هتوصل
للاحتراق .
