كتبت سمسمه سعد
مده التحضير ساعة
مده الطهي خمس دقائق
المقادير
كوب ونص دقيق اسمر
نص كوب دقيق ابيض عادي
لو الدقيق الاسمر مش متوفر هنعمل كوب ونص دقيق ابيض ونص كوب رده نخاله
نص كوب رده ((نخاله))لفرد العيش
معلقه صغيره خميره فوريه
معلقه صغيره سكر
رشة ملح
كوب الا ربع ميه فاتره
الطريقه
ننخل الدقيق بمنخل واسع وننزل عليه برشة الملح ونقلبهم
ندوب الخميره والسكرفي المياة
ننزل بالمياه على الدقيق ونعجن ممكن نحتاج مياه نزود بالتدريج ونعجن فيها لحد ما تتكون عجينه طريه مش بتلزق
نغطيها بكيس بلاستك وعليه فوطه ونسيبها ساعه في مكان دافي
بعد ساعه هنلاقي حجمها زاد وخمرت نبدا نقسمها كور متساوية الحجم
مرحلة الفرد هنبدا من اول كوره كوناها
على الرخامه في المطبخ هنرش
حبة رده او نخاله ونفرد عليهم بالنشابه لحد مايبقى سمكه رقيق اقل من نص سم لحد مانخلص فرد الكور كلها
نحط طاسه او صنيه تيفال عالنار تسخن نحط اول رغيف فردناه وكل 10ثواني نلفه بمعلقه خشب لحد ما يرتفع ونلاقي الوجه تحت احمر نقلبه علي الوجه التاني ثواني ونرفعه عن النار
والف هنا
رئيس قسم المطبخ أ سمسمه سعد
واسماء عزازي
وبالف هنا