كتبت اسماء عزازي
مقدم من شيف مني الحسيني
مدة التجهيز ٦٠دقيقة
مدة الطهي ١٥دقيقة
المقادير….
كيلو دقيق مخبوزات
٣ معالق كبار زيت عباد
٣ معالق كبار سكر
كيس بيكنج بودر أو معلقة محسن خبز
معلقة كبيرة خميرة بيرة
مياة دافية للعجن
سمسم وحبة البركة للتزيين
معلقتين عسل اسود ومعقلتين مياة للدهان
كوب مياة محلى بالسكر عشان لما يطلع من الفرن
الطريقة بالتفصيل بالفيديو بيحمل هو وحظه بقا
…..
هاتدوبى الخميرة مع السكر و٤ معالق مياة دافية وتركنيها على جنب…
قلبى البيكنج بودر على الدقيق واعجنيهم بالمياة دقيقة .
زودى الخميرة والزيت واعجنى كويس جداااااا لمدة لاتقل عن ربع ساعة …دى اهم عامل من عوامل النجاح الفينو….
غطيها تخمر ساعة ..
قطعيها قطع صغيرة حسب الأشكال اللى هاتعمليها
افردى الكورة دائرة صغيرة ولفيها رول بدون الضغط عليها وقفليها كويس جدااا عشان ماتفكش منك وارجعى افرديها على شكل صباع الفينو هاتشوفوا الخطوة دى كويس فى الفيديو ان شاء الله ….
اعملى فتحات بالسكينة وادهنيه العسل بالمياة ورشيه سمسم واركنيه على جنب يخمر تانى من ساعة لساعة الا ربع..
بعدين سخنى الفرن ودخليه على نار ٢٠٠ حتى النضج
يخرج على طوووول رشيه بالمياة ام سكر بالبخاخة وغطيه ربع ساعة وادعيلى
رئيس قسم المطبخ
اسماء عزازي
وسمسمة سعد
