الفراخ المحشيه مع الشيف المتميزه عبير حافظ
اسم الوصفه :الفراخ المحشيه
مقدمه من الشيف:عبيرحافظ
المقادير:
٢فرخه الواحده كيلو او كيلو وربع بالكتيربلدى او ابيض..ومغسوله كويس….كبدوقوانص مغسوله ومتقطعه..٢كوب رز مغسول ومنقوع نص ساعه..نص كوب ميه.بصله كبيره مقطعه صغير..ملح فلفل..نص معلقه صغيره من قرفه ..كسبره ..بهارات ..وسبع بهارات..ونجهز..حاجه الشوربه.من بصل ..توم..فلفل اسود صحيح..حبهان لورى..جزر..طماطم مقطعه..جنزبيل. فريش.
الطريقه:
فى طاسه هنحط شويه زيت مع معلقه زبده..ننزل بالبصل المقطع..يادوب لونه يبقى شفاف ..هنزل بالقوانص الاول..نقلب شويه وننزل بالكبد..ونقلب شويه يادوب ياخدوا لون من غير مايستوا ..نحط الملح و البهارات ونقلب..وننزل بالرز ..ونقلب..نحط نص كوبايه ميه ونقلب ونهدى النار خالص ونسيبه حوالى عشر دقايق ..ونطفى النار ونسيبها تهدى ونحشى الفراخ من جوه كميه معقوله ونعمل حساب ان الرز هيزيد..ونحشى الصدر كمان كميه معقوله..مش نملاه اوى عشان مايفرقعش..ونقفل الفرخه بالخيط او بخله السنان ..وننزل بيها فى الميه المغليه بحاجه الشوربه ..
بعد ماتستوى هنسيبها تبرد ونحمرها والف هنا.
الرز اللى هيتبقى من الحشوه زوديه شويه شوربه وسويه ..ده لوحده طبق تحفففه.
