الفسيخ مقدم من شيف نيفين عبد العزيز
الفسيخ
مقدم من: نيفين عبد العزيز
مدة التحضير 6ساعات
مدة التخليل15يوم
المقادير
كيلو سمك بورى 2سمك كبير
ملح خشن حوالى كوب ونصف
ربع معلقة صغيرة شطة
10اكياس بلاستيك نضع فيهم الفسيخ
الطريقة
نحضر السمك البورى ونغسله جيدا تحت الحنفية خصوصا من الخياشيم ونضعه بمصفاه وتحتها طبق والرأس لتحت ويترك لينشف من الماء حوالى 5ساعات وفي حاله الاستعجال نسيبه ساعة وننشفه بفوطه من الداخل السمكة والخياشيم ثم نحضر طبق كبير ونضع ملح خشن ورشة شطة ونقلب ونحضر اول كيس ونرش فيه بالقاع ملح بسيط ثم نحضر اول سمكة ونضع بداخل الخياشيم من الملح ونضغط جيدا الملح لجوه بالخياشيم الى ان تمتلئ ثم نضع السمكة بالكيس ونبتدى نكرر الطريقة لكل سمكة ونرص اول صف من السمك ثم نرش ملح بسيط على السمك ثم تانى صف بالعكس بنفس الطريقة فى حشو الخياشيم ونرش ملح على صف السمك وهكذا وبعد الانتهاء نلف الكيس كويس على السمك ونضع كيس تانى ونلفه ثم نلف اى نوع لزاق عليه ثم نلفه بكذا كيس ويكون محكم الغلق ثم نضعه بعلبة بلاستيك ونقفل عليه ويترك بمكان مغلق بدرج مثلا من ادراج المطبخ يكون مش هنستخدمه وبعد ثلاثة أيام نقلبه وهو مقفول عليه بالاكياس بلاش نفتح عليه وهكذا كل ثلاثة ايام نقلبه بالاكياس مش نفتح عليه طبعا وبيتخلل 20يوم بالبرد ولو الجو معتدل زى الايام دى يبقى 15يوم ولو بالحر بالصيف 10ايام وعند انتهاء المدة نغسله كويس من الملح ويتصفى او بدون غسيل ننفضه من الملح وننزل الملح اللى بالخياشيم ونعينه بكيس وبالفريزر نطلعه قبل الاكل بكام ساعة يفك او بعد التخليل ناكله فى يومها لان بجد الواحد مش بيستنى ويبقى عايزه يشوفه وبالهنا
مدير قسم المطبخ لجريدة أسرار المشاهير اسماء عزازي
سمسمه سعد
