الفطيرة التركية مقدمه من أمانى محمد
المقادير
١/٢ ١ كوب دقيق
علبة زبادي
١/٤ كوب حليب دافي
ملعقة صغيرة مليانة من كل من خميرة و سكر
ملعقة زبدة كبيرة (مش سايحة) طرية
رشة ملح
الحشو
شرائح سوسيس متشوحة في بصل و ملعقة صلصة
خضار (طماطم، فلفل رومي، فلفل حراق) مش هنشوح الخضار ده
جبنة موزاريلا و بارميزان
ممكن تعملو حشو لحمة مفرومة او سجق او فراخ او خضار و مشروم
الطريقة
أول حاجة نقلب الحليب الدافيء مع الخميرة و السكر و تترك في مكان دافيء على جنب لمدة ١٠ دقائق لحد ما الخميرة تفور
نحضر اناء عميق نضع فيه الدقيق و رشة الملح ثم نضيف خليط الخميرة (بعد ما تفور) و علبة الزبادي
نعجن بإيدينا لحد ما العجينة تلم مش هنحتاج نضيف دقيق تاني أوي و العجينة هتبقى طرية
نغطيها و تترك تخمر في مكان دافي لمدة ٤٥ دقيقة لساعة
بعد كدة ناخدها و نضع عليها ملعقة الزبدة الطرية و نفضل نعجن حوالي ٧- ١٠ دقايق هتبقى طرية جداً و مبتلزقش و عاملة زي القطن
نحضر صينية و ندهنها زبدة و نقسم العجينة ١/٣ و ٢/٣
ناخد ال ٢/٣ نفردة في الصينية و نطلع حروفة فوق قليلا
نضع الحشوة و الجبنة
نفرد ال ١/٣ بالنشابة و نغطي بيه الحشوة و نشبك الحروف و نقفلها و ممكن نضغط عليها بالشوكة لتعمل شكل جمالي
التسوية : فرن ساخن تضع في درجة ١٨٠-٢٠٠ (متوسطة) لمدة ٢٠ دقيقة ثم نخرجها و ندهن الوجه ملعقتين كريمة طبخ أو قشطة أو زبدة و ندخلها في فرن عالي لمدة ١٥ دقيقة
ثم نخرجها نضع على الوجه ميكس جبنة و نشغل الشواية لحد ما الجبنة تسيح و تاخد لون
و بالهنا
رئيس قسم المطبخ أ / جيهان جعفر
