الفطير المشلتت مقدم من شيف ايمان عبد الوهاب
كتبت اسماء عزازي
مقدم من إيمان عبد الوهاب
وقت التحضير ٥٠ دقيقه
وقت الطهى ١٥ دقيقة
نقول بسم الله الرحمن الرحيم
المقادير
١كيلو دقيق قوى دقيق المخبوزات
نصف معلقة صغيره ملح
ربع كوب زيت
ماء للعجن
ربع كيلو سمنه او قشطه او زبده للفرد او ممكن نعمل خليط منهم او ممكن نخلط معاهم زيت على حسب الرغبه
الطريقة
الدقيق نضيف عليه الملح والزيت ونضيف مايه مش كتير ونعجن ونلت العجينه كويس اوى ونضيف مايه بالتدريج مع لت العجينه كويس لحد ماتلم معانا وتكون سهلة الفرد وبعدين نقطع العجينه كور على حسب مانحب نعمل الفطيره ونضعهم فى صنيه مدهونه زيت ونغطى وشهم ضرورى جدا عشان مايشققش ولما نخلص تقطيع نسيبهم يريحوا ١٠ دقائق وبعدين نفرد الفطير بتاعنا ونرقوا اوى واللى هيخدمنا فى ده الدقيق والعجن الكويس
وندهنوا بالسمنه ونطبقة زى الظرف ونجيب كوره تانيه نفردها وندهنها سمنه ونحط الاولانيه فيها وبعدين نطبقها ونسيبها ترتاح ١٠ دقائق وبعدين نفردها فى صنيه وندخلها الفرن تستوى
وبألف هنا
رئيس قسم المطبخ
اسماء عزازي
وسمسمة سعد
