الفنانة” إيمان السيد “فخورة بنفسي جداً وبكل حاجة وصلتلها ونفسي اعيش في سلام

متابعة. . دعاء سنبل

الفنانة إيمان السيد على حسابها الخاص على فيس بوك قالت :

انا الحمدلله فخورة بنفسي جدا وبكل حاجة وصلتلها بتعبي ومجهودي وقبلهم توفيق ربنا وبوجودي ف شغلانة مش سهلة وقدرت اعمل اسم ليا ومن غير ما اخالف مبادئي وتربيتي وبحاول علي قد ما اقدر اقدم شغل بحبه وعشان كدا بعتذر أكتر مابشتغل وفخورة اني مش بخالف مبادئي وضميري وماليش في الأساليب الملتوية والمنافسة غير الشريفة وبعافر وسط مجتمع ذكوري متحيز بشكل لا إرادي والحمد لله لما حد بيثق في قدراتي بكون قد الموقف
عمري ماتنازلت وخصوصا عن كرامتي
راضية وبفضل ربنا وعايشة ف حالي وماشية بما يرضي الله وطول عمري ما احبش اعمل الحاجة اللي تخليني ماقدرش ابص ف وش بابا أو اخويا ..
مش عاوزة غير اني أعيش في سلام والوصول للسلام دا رحلة طويلة كأنك ماشي في طريق ومعاك وحواليك ناس كتير وعلي طول الطريق الناس بتقل لحد مابتوصل لآخر الطريق وحدك .