الفنانة “مريم سعيد صالح “لأسرار المشاهير دراستي للسينما غيرت وجهة نظري للحياة عموماً و نفسي في دور يظهر موهبتي بالطريقة اللي استحقها
كلنا فاكرين أن محدش مرتاح لكن محدش عارف الخير فين .
إعداد/ دعاء سنبل
فنانة خفيفة الظل وتعشق الفن على درجة عالية من الثقافة ،خفيفة الظل وتعشق الإرتجال وعلى درجة عالية من الثقافة ، طموحة وتسعى وراء حلمها هي الفنانة “مريم سعيد صالح”
ممكن نعرف من حضرتك أيه الحاجة الحلوة اللي حصلتلك في 2018 ، وأيه الحاجة الوحشة اللي حصلتلك متتمنيش يحصل لك تاني في 2019 ؟
الحاجة الحلوة اللي حصلتلي في 2018 اقدر اقول هي دراستي للإخراج السينمائي ، لأنها غيرت وجهة نظري في الحياة عموماً
وخلتني أبص للحياة بنظرة تانية نظرة نقدية وتحليلية مختلفة تماماً ، بقيت ببص على حاجات مكنتش ببص عليها قبل كده واهتم بتفاصيل مكنتش بهتم به ، وبقيت بعرف ازاي اعبر عن نفسي من خلال صورة أو بكلمة .
الحاجة الوحشة اللي حصلتلي مكنتش عايزة أقولها و اكيد متمناش تحصلي تاني أني أديت ثقتي لناس لا يستحقوها وده درس كبير جداً جداً لازم بعد كده اخلي بالي منه كويس اوي ، ولازم قبل مااحط ثقتي في حد اكون على يقين انه يستاهل.
إيه اللي بتتمنيه في 2019 على مستوى العمل والمستوى والاجتماعي ؟
اللي بتمناه في 2019 ان ربنا يقدرني واخلص كورس دراسة السينما واخد الكارنيه بتاع عضوية نقابة السينما أن شاء الله فضلي حاجات بسيطة جداً وأخلص ده على مستوى الدراسة أما على المستوى الفني بتمنى اني اقدم برنامج تلفزيوني من تقديمي ربنا يحققلي ده قريب يارب ، وبتمنى أخذ أدوار كويسه ومتميزة بمساحة كويسة أظهر فيها موهبتي بالطريقة اللي استحقها.
المزيد من المشاركات
ايه الجديد بالنسبة للفنانة ” مريم سعيد صالح ” في 2019 ؟
الجديد بأذن الله مسلسل بحر للكاتب” أحمد عبد الفتاح ” بطولة الفنان ماجد المصري ودياب وعمله دور صعيدية وهو دور مختلف عليه وسعيدة به جداً جداً هو صحيح حجمه مش كبير اوي لكن حجمه معقول ،دور مختلف عن شخصيتي تماماً ، ومشتركة في برنامج مع الاستاذ خالد جلال إخراجه وفكرته وهيتعرض قريباً على قناة On .
وعندي عرض مع بدرية طلبة ليلة رأس السنة في الإسكندرية على مسرح تياترو النيل اسمه “بدرية اتخطفت”
وتمنياتي لكل العالم بالخير والسلام يعم على العالم كله ، واحب اقول ان لكل مجتهد نصيب وأني مؤمنه ان ربنا هيوصلي في يوم للمكانة اللي أستحقها على قد المجهود اللي ببذله والتعب اللي بتعبه ، لأن الله لا يضيع اجر من احسن عملاً ، واكيد إن شاء الله ربنا عنده كتير وعنده الخير مهما تخيلنا مش هتتخيل اللي عنده وعلشان كده دايماً بطلب منه المستحيل لأنه على كل شئ قدير .
الفنانة الكوميديانة ” مريم سعيد صالح ” تحب تقول ايه لجمهورك بمناسبة السنة الجديدة ؟
بما أني كوميدينا أحب أقول للناس بمناسبة السنة الجديدة احنا دايما بنفتكر اللي بيحصل معانا ده حاجة وحشة ،لأن ربنا دايماً بيعمل لنا الخير ،ولا نكون مبسوطين وسعداء في أصعب المواقف والظروف ، لازم يتأكدوا ان ربنا مش بيعمل حاجة وحشة ولازم نؤمن بكل اللي يجيبه وهو دايماً بيكون شايل لنا الأفضل والأحسن ،كلنا فاكرين أن محدش مرتاح لكن محدش عارف الخير فين .
ويارب يسعد كل مصر والعالم العربي وكل العالم العربي وكل العالم الإسلامي وكل العالم المسيحي .
